Tornadoak Entzian jotako lau hektarea gordeko dira aldaketa klimatikoa ikertzeko

  • Datozen 25 urteetan ez da gizakiaren esku-hartzerik izango eremu horretan.

Artikulu hau CC BY-SA 3.0 lizentziari esker ekarri dugu.

2018ko abenduaren 04an - 16:12
Legaire txikitu zuen tornado batek pasa den uztailean. Argazkia: Alea.

Entziako mendilerroan uztailean jazotako tornadoak txikitu zituen lau hektarea pagadi gordeko ditu Arabako Foru Aldundiak, Entziako Partzuergoarekin adostu ondoren. Euskal Herriko Unibertsitateko eta Alcala de Henareseko (Madril, Espainia) unibertsitateetako ikerlariek, Aldundiaren Ingurumen Sailarekin koordinatuta, aldaketa klimatikoari buruz eta muturreko gertaera klimatikoetan basoek duten egokitzapenari buruz ikertuko dute.

Hala, tornadoak kaltetu zituen 72 hektareatik lau hektareako eremua 25 urtez utziko da tornadoak utzi bezala; eta modu horretan ikusi ahalko da basoa gai ote den leheneratzeko, bertako fauna nola egokitzen den baldintza berrietara, eta zer mikrohabitat berri sortzen diren.

"Naturak eskaini digun aukera aprobetxatu nahi izan dugu, harengandik ikasteko", laburbildu du Josean Galera Ingurumen Saileko foru diputatuak. Abiatuko den ikerketarem "interes zientifikoa" azpimarratu du Galerak, "horren bidez jakingo baitugu gure biodibertsitateak nolako kalteberatasuna duen hondamendi meteorologikoen aurrean eta nolako gaitasuna duen egokitzeko”.

Albiste hau alea.eus-ek argitaratu du eta CC-by-sa lizentziari esker ekarri dugu ARGIAra.


Kanal honetatik interesatuko zaizu: Larrialdi klimatikoa
2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


2024-03-24 | Nicolas Goñi
CO2a atmosferatik kentzeko ingeniaritza: lurra ustiatzen segitzeko aitzakia?

Klimaren arazoa ingeniaritza kontu bat soilik ote da? Atmosferaren berotegi efektua indartu du munduaren industrializazioak, karbono dioxido kopuru erraldoiak isuri baititugu airera, gure biziraupena kolokan ezarri arte. Zergatik ez, beraz, karbono dioxido hori berriz harrapatu,... [+]


Numeriko iraunkorraren eguna Baionako Estitxu Robles kolegioan

Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.


Asfaltozko patioa zuhaitz eta landarez betetako zelai bihurtu dute Lizarrako eskolan

Jolastoki eta ikastetxeko sarrera zen asfaltozko 350 metro koadroak berdegune bihurtu dituzte Haur eta Lehen Hezkuntzako Remontival eskola publikoan, Lizarran. Landaturiko zuhaitz, zuhaixka eta landareek helburu dute, besteak beste, beroa eta hotza hobeto kudeatzea,... [+]


Artea suntsitzeko arrazoiak

Londres, 1914ko martxoaren 10a. Mary Raleigh Rochardson (1889-1961) sufragista eta WSPUko kidea National Galleryra sartu zen, soinekoan laban bat gordeta zuela. Diego Velazquezen Ispiluko venus ezagunaren parera iritsi zenean, mihisea zazpi aldiz sastakatu zuen, guardiek... [+]


Eguneraketa berriak daude