Lapurdi, Nafarroa Beherea eta Zuberoako enpleguaren %70 baino gehiago tokiko ekonomiara bideratuta dago Gaindegiak argitaratu dituen datuen arabera. Egitura ekonomiko oso heterogeneoa erakusten dute datuek, kostaldearen eta barnealdearen arteko diferentzia handiekin.
Ekonomia lokalarekin zerikusia duten 15.000 lanpostu sortu dira Ipar Euskal Herrian 1999tik 2009ra bitartean. Atzerrira bideratutako jarduera ekonomikoek berriz, 3.500 lanpostu sortu zituzten tarte berdinean. Datu orokorrak kontuan hartuta, 1975etik izan den enplegu-bolumen altuena dauka Ipar Euskal Herriak egun.
Dena den, Gaindegiak argitaratu duenez, “Lurralde osoan egitura ekonomikoaren bilakaera homogeneoa izatetik oso urrun dago”. Zuberoan tokiko ekonomiak geroz eta pisu handiagoa dauka eta Lapurdin berriz esportazioetara bideratutako jarduerak dira nagusi.
Informazio gehiago:
Tokiko ekonomia sustatzeko asmoarekin sortu duten moneta da Euskoa. Ekimen horretan lanean ari diren Xebax Christyrekin eta Mendi Estebanekin hitz egin zuen ARGIAk.
Euskal Monetak garapen handia ezagutu du azken urteotan Ipar Euskal Herrian. Europako tokiko moneta indartsuena bilakatu da. Sortu zenetik, Hego Euskal Herrira hedatzeko asmoa integratu zen proiektuan. Mugaz gaindiko tokiko moneta osagarri baten sortzea lantzen hasia da Euskal... [+]
Biarritzen egin dute larunbatean Eusko Elkarteen Eguna. Guztira 69.672 euro banatu dituzte tokiko moneta babesten duten elkarteen artean. AEK izan da iaztik gehien hazi den elkartea, 2.531 eusko jasota.
Apirilaren 15ean, larunbatean, Ezpeletan, tokiko monetaren besta herrikoi handia iragan zen: Eusko Eguna. Hiru urtez falta izan ondoan, azkenean, Eusko Eguna berriz antolatu ahal izan genuen. Gainera, aurten, Euskoaren hamargarren urtebetetzea ospatzen ari gara! Horregatik, egun... [+]
Europako tokiko monetarik handiena bilakatu da Euskoa 10 urtetako ibilbidean. "Elkartasuna sustatu eta lurraldea pentsatzeko boterea berreskuratzeko" tresna izatea da Euskal Monetaren asmoa.
Eusko monetaren "% 3ko emaitza" baliabideari esker, orotara 61.281 eusko emanak izan dira 58 elkarte hartzaileri. Tokiko monetaren izaera solidarioa berresten da errekor berri honekin; izan ere, iazko 50.540 euroak aise gainditu dira aurten.