Miarritzeko Udalak ere Euskoa erabiliko du, lekuko moneta onartzen duen 34. herriko etxea izango da

  • Lekuko moneta erabiltzen hastearen alde aho batez bozkatu dute apirilaren 1ean kontseilariek. Lapurdiko hiri horretako 67 elkartek dute Euskoa onartzen eta herriko etxea sarean sartu izana esanguratsua da.


2022ko apirilaren 07an - 09:28

Aho batez bozkatu dute lekuko moneta erabiltzearen alde apirilaren 1ean Miarritzeko herriko etxeko hautetsiek. Konkretuki, zinegotziek haien ordainsariaren zati bat Euskoz jasoko lukete, nahi izanez gero. Horrez gain, batzorde tekniko bat sortuko dute eta Euskoarentzako garapen plana ere definituko dute.

Euskal monetaren sarean dagoen Ipar Euskal Herriko 34. herriko etxea dugu beraz Miarritze –Euskal Hirigune Elkargoa ere barne dago–.  Ondoko hauek dira lekuko moneta erabiltzen duten herriko etxeak: Ahetze, Aintzila, Ainhoa, Anhauze, Azkaine, Aiherra, Baiona, Bidarrai, Ziburu, Ezpeleta, Gabadi, Gamarte, Itsasu, Hazparne, Hendaia, Bastida, Lehuntze, Makea, Maule, Lekorne, Ozaze-Zühara, Ortzaize, Izura-Azme, Sara, Donibane Garazi, Baigorri, Eiheralarre, Donapaleu, Hiriburu, Urketa, Urruña, Uztaritze eta Milafranga.

Euskal Moneta elkarteak 2013an sortu zuen Euskoa, eta orduz geroztik etengabean hazi egin da erabilpena, 5.000 erabiltzaile baino gehiago ukan arte –4.000 norbanako eta 1.200 egitura profesional–. Hiru milioi eusko ziren trukaturik iazko urteko udaberrian.

Horrez gain, Euskoan egindako erosketak solidarioak ere badira, eta tokiko elkarte sarea finantzatzen dute: erosketen zenbatekoaren %3 kideak aukeratutako elkartearendako atxikia da. Sistema horren bidez, Euskal Monetak 130 000 eusko banatu dizkie 60 bat elkarteri.


Irakurrienak
Matomo erabiliz
#2
Gorka Peñagarikano Goikoetxea
#3
#4
#5
Gorka Peñagarikano Goikoetxea
Azoka
Kanal honetatik interesatuko zaizu: Euskoa
2024-04-09 | Enbata
Euskal Monetak mugaz gaindiko tresna amankomuna gogoetatzen

Euskal Monetak garapen handia ezagutu du azken urteotan Ipar Euskal Herrian. Europako tokiko moneta indartsuena bilakatu da. Sortu zenetik, Hego Euskal Herrira hedatzeko asmoa integratu zen proiektuan. Mugaz gaindiko tokiko moneta osagarri baten sortzea lantzen hasia da Euskal... [+]


Euskal Monetak ia 70.000 eusko banatu ditu erabiltzaileek babestutako 44 elkarteren artean

Biarritzen egin dute larunbatean Eusko Elkarteen Eguna. Guztira 69.672 euro banatu dituzte tokiko moneta babesten duten elkarteen artean. AEK izan da iaztik gehien hazi den elkartea, 2.531 eusko jasota.


2023-04-17 | Enbata
1.500 pertsona Ezpeletan, Euskoaren hamargarren urtebetetzea ospatzeko

Apirilaren 15ean, larunbatean, Ezpeletan, tokiko monetaren besta herrikoi handia iragan zen: Eusko Eguna. Hiru urtez falta izan ondoan, azkenean, Eusko Eguna berriz antolatu ahal izan genuen. Gainera, aurten, Euskoaren hamargarren urtebetetzea ospatzen ari gara! Horregatik, egun... [+]


Euskoaren 10. urteurrena ospatuko dute larunbatean Ezpeletan

Europako tokiko monetarik handiena bilakatu da Euskoa 10 urtetako ibilbidean. "Elkartasuna sustatu eta lurraldea pentsatzeko boterea berreskuratzeko" tresna izatea da Euskal Monetaren asmoa.


2022-10-05 | Enbata
Euskal Monetak 61.281 eusko eman dizkie 58 elkarteri

Eusko monetaren "% 3ko emaitza" baliabideari esker, orotara 61.281 eusko emanak izan dira 58 elkarte hartzaileri. Tokiko monetaren izaera solidarioa berresten da errekor berri honekin; izan ere, iazko 50.540 euroak aise gainditu dira aurten.


Eguneraketa berriak daude