Euskoaren 10. urteurrena ospatuko dute larunbatean Ezpeletan

  • Europako tokiko monetarik handiena bilakatu da Euskoa 10 urtetako ibilbidean. "Elkartasuna sustatu eta lurraldea pentsatzeko boterea berreskuratzeko" tresna izatea da Euskal Monetaren asmoa.

3,5 milioi eusko baino gehiago daude, 1.300 profesionalek eta 4.000 partikularrek erabiltzen dute. Argazkia: Euskoa.

2023ko apirilaren 14an - 11:49
Azken eguneraketa: 13:02

Euskoak hamar urte bete ditu eta larunbatean Eusko Eguna ospatuko dute, Ezpeletan. Euskoa garatzen laguntzeko interesa duten edo egitasmoan lagundu duten pertsona guztiak elkartzeko parada izango da urteurren hau. 

Larunbatean egun eta gau osoan jende asko elkartzea espero dute, ondoko programazioari esker: hitzaldiak, ekoizle eta sortzaileen merkatua, laborarien produktuekin ondutako bazkaria, haurrentzako animazioak, dantzaldiak, herri jokoak eta kontzertuak, Mouss et Hakim (Zebda), Willis Drummond eta Le Bal du Samedi Soir taldeekin.

Euskoak azpimarratu du moneta soil bat baino gehiago dela, elkartasunerako eta biharko lurraldea pentsatzeko boterea berreskuratzeko baliabidea ere badela.

Euskal Herriko tokiko moneta Europako handiena da

Euskoa Euskal Moneta erakundeak sustatutako tokiko dirua da eta nagusiki Ipar Euskal Herrian erabiltzen da. Egitasmoa 2013ko urtarrilaren 31an jaio zen, Euskal Moneta Ekologiko eta Solidarioa Sortzeko Elkartearen eskutik. Gaur egun, Europako tokiko monetarik zabalduena da; 3,5 milioi eusko baino gehiago darabiltzate eskutik eskura, eta 1.300 profesionalek eta 4.000 partikularrek erabiltzen dute.

Hamarnaka boluntarioren laguntzari, proiektuan osoki parte hartzen duen soldatapeko langile taldearen engaiamenduari, eta, batez ere, erabiltzaileen mobilizazioari esker etengabeko handitze hori gertatu dela diote sustatzaileek.

Eusko erabiltzea tokiko eragile ekonomikoak sostengatzea dela dio Euskoak. Lehentasunezko lau ardatz ditu: partikularren sarea garatzea, profesionalen arteko zirkulazioa arintzea, egitura sendotzea eta proiektuaren aldeko segurtasun neurriak hartzea, eta elkargoen artean Euskoaren erabilera desblokeatzea.


Kanal honetatik interesatuko zaizu: Euskoa
2024-04-09 | Enbata
Euskal Monetak mugaz gaindiko tresna amankomuna gogoetatzen

Euskal Monetak garapen handia ezagutu du azken urteotan Ipar Euskal Herrian. Europako tokiko moneta indartsuena bilakatu da. Sortu zenetik, Hego Euskal Herrira hedatzeko asmoa integratu zen proiektuan. Mugaz gaindiko tokiko moneta osagarri baten sortzea lantzen hasia da Euskal... [+]


Euskal Monetak ia 70.000 eusko banatu ditu erabiltzaileek babestutako 44 elkarteren artean

Biarritzen egin dute larunbatean Eusko Elkarteen Eguna. Guztira 69.672 euro banatu dituzte tokiko moneta babesten duten elkarteen artean. AEK izan da iaztik gehien hazi den elkartea, 2.531 eusko jasota.


2023-04-17 | Enbata
1.500 pertsona Ezpeletan, Euskoaren hamargarren urtebetetzea ospatzeko

Apirilaren 15ean, larunbatean, Ezpeletan, tokiko monetaren besta herrikoi handia iragan zen: Eusko Eguna. Hiru urtez falta izan ondoan, azkenean, Eusko Eguna berriz antolatu ahal izan genuen. Gainera, aurten, Euskoaren hamargarren urtebetetzea ospatzen ari gara! Horregatik, egun... [+]


2022-10-05 | Enbata
Euskal Monetak 61.281 eusko eman dizkie 58 elkarteri

Eusko monetaren "% 3ko emaitza" baliabideari esker, orotara 61.281 eusko emanak izan dira 58 elkarte hartzaileri. Tokiko monetaren izaera solidarioa berresten da errekor berri honekin; izan ere, iazko 50.540 euroak aise gainditu dira aurten.


2022-09-29 | Euskal Irratiak
“Laster 3.500.000 Eusko izanen dira zirkulazioan”

Larunbat honetan iraganen da Miarritzeko Surfrider fundazioan Eusko ekimenak antolatzen duen Elkarteen eguna. Lekuko moneta bat plantan ezartzearen parte bat elkarteei bideratzen die sistemak eta aurten ere, diruaren birbanaketa solidario horri esker, elkarte batzuk sarituak... [+]


Eguneraketa berriak daude