Hego Koreako JTB komunikabideak informatu duenez, Ipar Koreak Kaesongeko lotura-bulegoa suntsitu du, bi herrialdeen arteko harreman diplomatikoak ezartzeko balio zuen eraikina. 2018ko Panmunjomgo Adierazpenaren sinaduraz geroztik enbaxada moduan funtzionatu du 38. paraleloko Gune Desmilitarizatuan. Ekintza horrek Seul eta Piongiangeko harremanen urruntzea suposatzen du beraz, joan den ekainaren 8an Ipar korearrek iragarri zuten bezalaxe.

Hego Koreako Gobernuak bitartean, Segurtasun Nazionaleko Kontseilua bildu du gertakarion harira. Piongiangek salatu duenez, Seulek “ez du nahikoa egiten” desertore taldeek iparraldera panfletoak jaurti ez ditzaten. Jarduera horiek azken 2018ko akordioak bortxatzen dituztela identifikatu du Ipar Koreak.