Emakumeak borrokan

Japonia zeharkatu duen misila jaurti du Ipar Koreak

  • Alarma guztiak piztu ditu astearte goizean Ipar Koreak jaurti duen misilak. Japonia gurutzatu du eta kalterik eragin ez duen arren, erasotzat jo du Shinzo Abe lehen ministro japoniarrak. Azken egunetan beste hiru misil proba egin ditu Ipar Koreak.

Xalba Ramirez @xalbaram
2017ko abuztuaren 29a

Misilak Japonia gurutzatu ostean, desegin eta Hokkaido uharte inguruan erori da inongo kalterik eragin gabe. J-Alert larrialdi egoera jarri dute martxan eta herritarrei kontuz ibiltzeko eta neurriak hartzeko eskatu diete japoniar agintariek.

Joan den hilabetean kontinente arteko misil proba egin ostean NBEk zigorra jarri dio Ipar Koreari eta AEBak buru, gerra hotz itxura hartzen ari den mehatxu kanpaina gora doa.

Ipar Korearen eta Japonia eta AEBen arteko krisia larritzearen arrazoi bakarra, ordea, ez dira korearren misil probak. Aste honetan bertan, Seuletik (Hego Korea) gertu 67.000 soldadu estatubatuarrek maniobra militar bateratuak egingo dituzte eta hori Pyongyanentzat onartezina da.

Edonola ere, azken ekintza honek NBEren segurtasun kontseiluko larrialdi bilera eskatzera eraman ditu Japonia eta AEBak. Trump presidenteak eta Abe lehen ministroak telefonoz hitz egin dute eta elkar babestuko dutela berretsi dute.

Trump oso mezu gogorrak botatzen ari da azken orduetan Ipar Korearen kontra, “sua eta amorrua” izango dutela esateraino.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ipar Korea  |  AEB  |  Japonia  |  Donald Trump

Ipar Korea kanaletik interesatuko zaizu...
Azkenak
EGILEA
Eguneraketa berriak daude