'Tapia legea' kritikatu dute Labraza eta Azazetako zentral eolikoen kontrako martxan
Arabako Mendiak Aske kolektiboak deituta, Labrazan eta Azazetan eraiki nahi dituzten zentral eolikoen kontrako martxa egin dute larunbatean, Tapia Legeari ez! Lurra defendatuko dugu lemapean.
Kolektiboak salatu du Eusko Jaurlaritza "neurrigabeko presioa" egiten ari dela Arabako bi zentral eoliko horiek eraikitzeko, eta "presiorako lehen tresna" Tapia Legea dela, Jaurlaritzari botere handiagoa ematen diena –udalen kaltetan–, ARGIAko kazetari Zigor Olabarria Oleagak nabarmendu duen moduan maiatzean plazaratutako erreportajean.
Arabako Mendiak Aske plataformaren hitzetan, EAJ eta Iberdrola "ahal duten guztia" egiten ari dira proiektuak gauzatzeko, "indarrean dagoen araudia betetzen duten ala ez alde batera utzita", eta gaineratu du krisi energetikoa baliatzen ari direla "aitzakia gisa", urteetan garatutako ingurumenaren babeserako legeak "deuseztatzeko".
"Energia berriztagarriak beharrezkoak direla uste dugu mendeetan zehar kontserbatu diren ingurugiroak errespetatzen diren bitartean", diote kolektiboko kideek, "onartezina da hemen kontsumituko ez den energia gure lurraldeari ekologikoki horrenbeste eskeintzen dion mendilerro bat industrializatzearen truke lortzea". Aldaketa klimatikoari eta desertifikazioari aurre egiteko basoak babestu behar direla adierazi dute.
Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.
Berriztagarriek Galizian ere sukarra bizi dute eta proiektu ugari justizia auzitegietan dira momentu honetan. Galiziako Justizia Auzitegi Nagusiak haietako hamahiruren gaineko suspentsioa agindu du, eta horretarako bere irizpideak egokitu ditu Espainiako Auzitegi Gorenak... [+]
"Hamaika arrazoi lurraldea defendatzeko" izeneko erakusketa artistiko honetan, Euskal Herriko hamaika ilustratzailek parte hartu dute eta makroproiektu eolikoek kaltetutako Euskal Herriko zenbait familia eta bizilagunen hamaika testigantza ere jasotzen dira. Etxalarko... [+]
Irimo mendian Cilda Energy SLU enpresak 200 metroko bi haize errota ezarri nahi ditu, Trekutz izeneko proiektuaren baitan. Dimentsioaz jabetzeko giza katea egin dute Antzuolan otsailaren 25ean, Meaka-Irimo herri plataformak deituta "berriztagarriak bai, horrela ez!"... [+]
Euskal Herria Bizirik sareak elkarretaratzea egin du Eusko Legebiltzarraren atarian, barruan Trantsizio Energetiko eta Klima Aldaketaren Legea onartzen zuten bitartean. Sare horren hitzetan, "EAJ-PNV, PSE eta EH Bilduren aldeko botoekin onartu da, agerian utziz hiru alderdi... [+]