Matiullah Wesa aktibista atxilotu dutela salatu du UNAMA elkarteak astelehenean eta Afganistango Gobernuari arrazoia argitzeko eskatu dio. Ekintzaile afganiarrak emakumeen hezkuntza errazteko Pen Pathen kanpainaren sortzailea da. Igandean bideo bat publikatu zuen hezkuntzarako eskubidearen alde protestan ari ziren emakume boluntarioekin.
Hezkuntzaren defendatzaile Matiullah Wesa atxilotu dute astelehenean Kabulen. Nazio Batuen Afganistango Laguntza Misioak (UNAMA) aktibistaren atxiloketa salatu du eta talibanen gobernuari arrazoia argitzeko eskatu dio, Twitter sare sozialean irakurri daitekeenez.
Matiullah Wesa ekintzaile afganiarra Pen Pathen kanpainaren sortzailea da. Kanpainaren helburua da hezkuntza landa eremuetara eraman eta bigarren hezkuntzako eskolak eta unibertsitateak berriz irekitzea, emakumeek hezkuntza jaso dezaten. Liburutegi mugikor bat ere ezarri dute. Duela urte eta erdi baino gehiago talibanak boterera iritsi zirenetik, emakumeak ezin izan dira ikasgeletara itzuli.
Wesa denbora honetan gogor aritu da emakumeek hezkuntza jasotzeko eta eskola edo unibertsitateetara joateko duten eskubidearen alde lanean. Bere azken agerpena, igandean izan zen, bideo bat partekatu zuenean sare sozialetan. Hezkuntzarako eskubidearen alde protesta egiten ari diren Pen Path kanpainako emakume boluntarioak ageri dira. Honela dio azpian ikusgai den txioak: "Gizonak, emakumeak, adinekoak, gazteak, herrialdeko txoko guztiak hezkuntzarako eskubide islamikoak eskatzen ari dira beren alabentzat".
Men, women, elderly, young, everyone from every corner of the country are asking for the Islamic rights to education for their daughters. Penpath female volunteers calls for girls education and their rights to education #PenPathGirlsEduCampaign #PenPathGirlsEduCampaign pic.twitter.com/gekG7fsGKj
— Matiullah Wesa ???? ???? ???? (@matiullahwesa) March 26, 2023
Azken hamarkadetan Afganistanen izandako “lurrikara suntsitzaileenetarikoak” izan dira. 2.530 pertsonal hil eta 9.240 zauritu dira EITBk argitara eman duenez.
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Argudiatu dute Gobernuz Kanpoko Erakundeen lantokietan emakumeek ez dituztela janzkera arauak errespetatzen. GKE ugarik salatu dute emakumeen lanik gabe ezin izango dutela osasun eta giza arreta eman. Joan den astean, talibanek debekatu egin zieten... [+]