Sustrai Erakuntzak arbuiatu du Castejon-Campanas AHTko zatian 200 milioi euro gastatzea

  • Bernardo Ciriza Lurralde Kohesiorako kontseilariak Nafarroako Castejon-Campanas AHTko trenbide zatia 2026rako martxan izango dela iragarri berri du, eta Sustrai Erakuntzak gogor kritikatu du ekinbide horri 200 milioi euro ematea.

     


2021eko azaroaren 11n - 08:22
Azken eguneraketa: 09:39
AHTren aurkako mobilizazio bat Iruñean. (Arg.: Ekinklik)

Diru publikoa, izan Espainiako Gobernuarena edo Foru Gobernuarena, AHTra bideratzea gaitzetsi du fundazioak eta zehaztu du, azkenean tarte hori egiten bada, 700 milioi euroko kostua izango duela.

“Chivite presidentea eta Gómez kontseilaria Glasgown izan direnean, ez al dute entzun AHTa eraikitzeak kutsadura-elementu bat dakarrela, nekez konpentsa daitezkeen gas kutsakorren isuri handiekin?

Nafarroako Parlamentuan Klima Aldaketari buruzko Foru Legea izapidetzen ari direnean, eta arintze-neurriak aipatzen dizkigutenean, ez al dute jakin pertsonak eta salgaiak garraiatzen dituen tren konbentzional hobetua dela neurririk arrazionalena, merkeena, bidezkoena eta eraginkorrena energiaren kontsumoari eta CO2 isuriei dagokienez?”

Irizpide sozialei begira ere jarri da fundazioa: “Nola eman daitezke ehunka milioi euro geraleku eta leihatila berriak irekiko ez dituen eta herrientzako zerbitzuak hobetuko ez dituen obra batean, Nafarroako erdialdean geratzen den apurra arriskuan jartzeraino eta errepideetatik ibilgailuak ateratzeko inolako asmorik gabe?”.

Gogoratu dute Sustrai Erakuntzak 2018an egin zuela Tren Publiko eta Sozialaren proposamena eta oraindik garaiz gaudela AHT alboratzeko, honek elite ekonomikoei baino egiten ez dielako mesede, “finantza, natura, ingurumen eta nekazaritza baliabideak” xahutuz.

AHTko obrak gelditzeko eskatu dute eta beste tartetik ez esleitzeko: “Garaia da alderdi politikoek beren botoak Tren Sozialaren alde jartzeko eta AHTrako aurrekontu publikoen xedea baztertzeko, Madrilen eta Iruñean”. AHTko dirua gastu sozialera bideratzeko exijituz datorren abenduaren 11n Orain Ardura ekimenak Iruñean antolatutako mobilizazioarekin bat egitera deitu dute.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
#5
Azoka
Kanal honetatik interesatuko zaizu: Abiadura Handiko Trena
Julio Villanueva (AHT Gelditu)
"Abiadura Handiko Trenik gabeko Nafarroa posible da"

Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]


Iñaki Arriolak dio AHTren lanak amaituta ikusteko oraindik "urtetxo" batzuk beharko direla

Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]


AHT eta tren sozialerako egungo trenbidea egokitzea eskatu dute Altsasun

Nafarroa Trenaren Alde, Araba Trenaren Alde eta Goierriko AHTrik Ez plataformek Altsasun egindako prentsaurrekoan egin dute eskaera: tren lasterrak soilik erabiltzeko trenbide-azpiegitura berriak eraikitzeko proiektuak geldiaraztea, gaur egungo tren-azpiegiturak berritzea eta... [+]


Eguneraketa berriak daude