Tren publiko eta sozialaren proposamena aurkeztu dute Nafarroan
Trenbide baliabideak hobetzea helburu duen proposamena aurkeztu du Sustrai Eraikuntza Fundazioak, Iruñeko Katakrak liburu dendan.
Sustrai Eraikuntzak dioenez, “Abiadura Handiko Trena (AHT) antisoziala, antiekologikoa eta energia xahutzailea da”. Hori dela eta, Tren Publiko eta Sozialaren (TPS) aldeko apustua egiten dabiltza “garraiobide iraunkorra, herritarra eta demokratikoa”, delako.
Pasa den irailean aurkeztu zen TPSaren proposamena lehen aldiz eta harrezkero ekarpen desberdinak jasotzeko prozesu parte-hartzailea egin dute; guztira 1.600 pertsonak baino gehiagok hartu dute parte.
Geltokiak hiritik gertu egoteari eta AHTren ingurumen inpaktuari buruz datuak gehitzeari eman diote garrantzia, besteak beste proposamen berrituan. Gaineratu dute, AHTren lanak berrabiarazi dituztela Tafallan eta larunbatean 11:00etan bertarainoko martxa antolatu dutela.
AHTren aurkako ekintzailea den Alfontso Gartziandia elkarrizketatu zuen Eñaut Agirrebengoa Argiako kazetariak pasa den urrian. Gartziandiak salatu zuenez, ez zen kontuan hartu herriaren hitza. “Egitasmoa zehaztu eta diru kontuak itxi ondoren eman zaizkio azalpenak gizarteari”. Zioenez, Lan zaila izango da TPSren proposamena botere lekuetara eramatea: “ikuspegi politiko zehatza duten taldeak daude boterean eta eraikuntzaren lobbyak dira AHTren bultzatzaileak”.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Tren sozial baten alde! AHTrik ez! leloa zabaldu zuten, Erdi Aldea Trenaren Alde taldeak antolatuta.Trenbideak hobetuta, abiadura handikorik egin gabe, zerbitzu ona eman daitekeela argudiatu zuten.
Abiatu Handiko Trenbideetan minutuko bateko denbora aurrerapenak 369 milioi euro balio du. Europako Kontuen Ganberak AHTko europar sareaz 2018an egindako txostenaren ondorioetako bat da hori. Aholkuen artean ganberak azpimarratzen zuen hobe zela dirua inbertitzea ohiko trenbideak hobetzen.
Araba eta Nafarroan proiektatu dituzten Abiadura Handiko Tren (AHT) egitasmo berrien aurkako plataforma herritarren ordezkaritza bat Bruselan dago, Sakanako tren sozialaren aldeko taldeko kideak barne. Europako Parlamentuko agintariekin informazio eta aldarrikapenak elkartrukatzea da asmoa.
José Luis Ábalos, Espainiar Gobernuko Sustapen Ministroa, Gorka Urtaran alkatearekin eta Eusko Jaurlaritzako ordezkari ezberdinekin bilduko da ostegunean, Gasteizen tren lurperatzeari eta Abiadura Handiko Trenari buruz hitz egiteko.
2009ko urtarrilaren 17an, Arabako Urbina kontzeju txikia tiro eremu bihurtu zen. Ertzaintza gogor oldartu zitzaien AHT-ren kontrako manifestariei: dozenaka lagun zauritu eta beste hainbat Espainiako Auzitegi Nazionalaren esku utzi nahi izan zituen. Desobedientzia zibila kriminalizatzeko kapitulu hura Eusko Jaurlaritzako Barne Saileko liburu beltzean geratuko da betiko.
Frantziako Gobernuak lehenetsi du Bordele eta Hendaiaren arteko bidea berritzea, LGV delakoa (abiadura handiko trena) bertatik ibil dadin baino.
Abiadura Handiko Treneko obretan izaten diren heriotzak saihesteko neurriak eskatu zituzten EH Bilduk eta Elkarrekin-Podemosek, ostegunean Eusko Legebiltzarrean egin zen osoko bilkuran. EAJ, PSE eta PPk, aldiz, ikuskaritzak orain arte bezala segitzearen alde egin zuten.
Nafarroako Parlamentuak ez du onartu Abiadura Handiko Trenaren obrak geldiaraztea eskatzeko EH Bilduk aurkeztutako mozioa. Geroa Bai, UPN, PSN eta PPNren ezezko botoa jaso du mozioak; EH Bilduk, Ahal Dugu-k eta Ezkerrak, berriz, babestu egin dute.
Abiadura Handiko Treneko obretan ari zela langile bat hil da Zizurkilen asteartean arratsaldeko 18:30ean. Egun gutxiren buruan obra horretan zendutako bigarren langilea da.
Irailaren 29an izanen da mobilizazioa, Marcilla inguruan AHTren lanak hasitako eremuan.
