Suitzarrek %61,7ko botoekin baztertu dute Europar Batasunarekiko zirkulazioa mugatzea
Biztanleriak ez dio jaramonik egin UDC alderdi kontserbadorearen kanpainari, eta EBrekiko muga politika irekita mantentzea erabaki du gehiengoak.
Suitzarrek ezezkoa eman dute Europar Batasunarekiko giza eta kapitalen zirkulazio hertsiagoa ezartzearen inguruko erreferendumean, botoen %61,7arekin eta %60ko parte-hartze indizearekin. La Vanguardia egunkariak azaldu duenez, UDC alderdi eskuindar populistaren programak suitzarrek lanpostuetarako lehentasunezko sarbidea izatea eta babes zein onura sozialak EBeko 27 estatuetako biztanleen aurretik eskuratzea defendatzen zuen.
2019ko hauteskundeetan Suitzan boto gehien lortu zituen alderdia izanik, UDCren hautuak galdeketan babes handiagoa izatea espero zen. Ez da hala izan, ordea.
Zirkulazio askearen aldekoek “ekonomiari eragingo lizkiokeen galerak” eta diskriminazioaren aurkako diskurtsoa izan dute ahotan kanpainan zehar. Suitzak neurri murriztaileak ezarriko balitu, Bruselak automatikoki herrialdea estutzeko politika komertzialak bultzatuko lituzke.
Datozen egunetan onartu nahi du Europar Batasunak Migrazio eta Asiloaren Ituna. Bachué elkartea, Ongi Etorri Errefuxiatuak eta Amnistia Internacional itunaren aurka agertu dira eta elkarretaratzea ere egin dute protesta gisa, Gobernu Ordezkariordetzaren aurrean.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
Irailaren 21eko ebazpenak dio europarra ez denak epe jakin bat duela lurraldea bere borondatez uzteko, eta Frantziak ez du hori betetzen.