Frantziako mugak ixtearen kontra salaketa jarri dute Estatu Kontseiluan

  • Atentatu batzuen harira 2015ean mugak ixteko agindua eman zuenetik, Frantziako Gobernuak behin eta berriz luzatu du agindu hori, eta eragile ugarik salatu du mugetako kontrol etengabea, batez ere migratzaileak jomuga dituena. Orain, botere judizialaren organo garrantzitsu den Estatu Kontseilura iritsi da salaketa.


2022ko maiatzaren 10an - 12:16

2015ean hilabete baterako agindu zuen mugen itxiera François Hollande orduko presidenteak, baina mugetako kontrolak ohiko bihurtu dira jada –hamabost aldiz eskatu du salbuespen egoeraren luzapena Frantziak, Bruselaren aurrean–, baita Hego eta Ipar Euskal Herriaren arteko mugetan ere. Eragile ugarik salatu dute egora, tartean Irungo Harrera Sareak, gogoratuz kontrol horien ondorioz bat baino gehiago direla beren bizia arriskuan jarri eta beste bide batzuetatik muga zeharkatu nahian hil egin diren migratzaileak.

Naiz-en azaldu dutenez, Europar Batasuneko Justizia Auzitegiaren ebazpen batean oinarrituta –Eslovenia eta Austria arteko mugan kontrola egin ziotela salatu zuen herritar austriar batek–, Franziako Estatu Kontseiluan salaketa jarri dute migratzaileekin aritzen diren lau elkartek: Anafé, Gisti, Cimade eta Giza Eskubideen Liga. Frantziako Gobernuak eskatutako luzapenak ilegalak direla argudiatu dute elkarte horiek eta pertsonen zirkulazio askearen kontra egiten dutela.

Europar Batasuneko Auzitegiak, bere ebazpenean, argi adierazi du: mehatxu berri batek baino ezin du justifikatu mugen itxiera luzatzea.


Kanal honetatik interesatuko zaizu: Muga Politika
2024-04-25 | Gedar
Pertsona migratuak preso izateko zentro bat eraikiko du Espainiko Gobernuak Alborango irlatxoan

Espainiako Gobernuak dio "behin-behinekoa" izango dela itsasoaren erdian sortuko duten kartzela. 600 metroko luzera du uharteak, eta Almeriako kostaldearen eta Marokoko Tres Forcasen artean dago. Militarrek erabiltzen dute.


2023-12-20 | Hala Bedi
Europako Migrazio eta Asilo Itunak pertsona migratzaileen aurkako praktikak legeztatuko dituela salatu dute

Datozen egunetan onartu nahi du Europar Batasunak Migrazio eta Asiloaren Ituna. Bachué elkartea, Ongi Etorri Errefuxiatuak eta Amnistia Internacional itunaren aurka agertu dira eta elkarretaratzea ere egin dute protesta gisa, Gobernu Ordezkariordetzaren aurrean.


2023-09-29 | ARGIA
Frantziako Gobernuak Bidasoako muga ixtea ez dela zilegi berretsi du Europako Auzitegiak

Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]


Frantziak migratzaileak legez kanpo kanporatzen dituela ebatzi du Europako Auzitegiak

Irailaren 21eko ebazpenak dio europarra ez denak epe jakin bat duela lurraldea bere borondatez uzteko, eta Frantziak ez du hori betetzen.


Eguneraketa berriak daude