Spa saioak ardotan, tratamenduak eta otordua: 2.000 euroko faktura Jaurlaritzaren kontu Marqués de Riscalen
Marqués de Riscal upategi eta hotelean bi mila euro baino gehiago ordaindu zituen Eusko Jaurlaritzak Italiako sei kazetarirentzat, turismoa sustatzeko. Bertako gastronomia dastatu eta spa saioa ardotan egin zuten oporraldiaren azken egunean.
Sei kazetari italiarrek Eltziegon Marqués de Riscal upategi eta hotel entzutetsua bisitatu zuten joan den azaroan, Arabako Errioxan. Jaurlaritzak ordaindu zien spa eta tratamendu-saioa izan zuten. Luxuzko spa saioa izan zen, beren webgunean azaltzen duten bezala, ardotan bustia baita.
Behean ikus daitekeen fakturan xehe azaltzen denez, bost pertsonak spa saioa hartu zuten (61,98 euroan bakoitza, zerrendako azkenak bikoitza balio du); 198 euroko tratamendua egin zioten bakoitzari, eta ondoren bertan afaldu zuten. Orotara 2.000 euroko faktura, Eusko Jaurlaritzak ordaindua.
Luxuzko asteburua, 10.000 euro
Asteburu pasa baterako, guztira 10.000 euro baino gehiago ordaindu zien Eusko Jaurlaritzak Italiako sei kazetariri joan den azaroaren 4tik 7ra. Iaz, antzerako 26 talde-bidaia antolatu zituen; guztira, 145.000 euro. 2023an ere Jaurlaritzak jarraituko du halakoak egiten Basquetour Euskadi Confidential Premium programaren barruan.
Javier Hurtado Eusko Jaurlaritzako Turismo sailburuaren arabera, "Euskadi sustatzeko itzulketa erakargarria izan dezaketen hedabideak gonbidatzen dira, beren profilagatik, tiradagatik edo merkatu interesgarrian sartzeagatik".
Bezperan Gipuzkoan izan ziren. Balenciaga museoa bisitatu zuten Getarian, Zarautz ezagutu eta Michelin izarra duen Donostiako Kokotxa jatetxean bazkaltzera eraman zituzten. Luxuzko taxi-zerbitzua kontratatu zuten haien zerbitzura bidaia guztiak egiteko, guztira Jaurlaritzak ia bi mila euro ordainduta.
Azaroaren 4an heldu ziren Bilbora, ostiralez. Ur azpiko Crusoe Treasure upategian ardo- eta pintxo-dastaketak egin zituzten lehenik, guztira Jaurlaritzak 400 euro ordainduta; Guggenheim museoa bisitatu zuten ondoren, eta Michelin izarra duen Atelier Etxanobe luxuzko jatetxean afaldu zuten gero, guztira 930 euroan. Bost izarreko Gran Hotel Dominen igaro zuten gaua, Bilbo erdigunean, beste 900 euro ordainduta.
Sei kazetariak turismo-kazetaritzan espezializatutako Italiako hedabide hauetatik zetozen: Itinerari e Luoghi, Bell’Europa aldizkaria eta haren argitaletxe Cairo Editore, Radio Popolare eta Corriere della Sera hedabide entzutetsuaren Dove aldizkaria.
Asteburu hartako bidaiatik itzuli eta hilabete eskasera, Radio Popolarek ordutebete inguruko saioa eskaini zion Euskal Autonomia Erkidegoko turismoari, "exotiko" gisa azalduz “bertako hizkuntza minorizatua”, euskara. Dove aldizkariak bestalde, bidaia amaitu bezain pronto, Espainiako Estatuan “bisitatu beharreko hirien” zerrendatxo bat aurkeztu zuen eta tartean sartu zuen bai Donostia, bai Bilbo baita Errioxa ere, Arabari erreferentzia eginez.
639 'minipisu' ari dira eraikitzen Barakaldon, BEC erakustazokaren aldamenean. Udal ordenantzak aginduta, hotel erabilera eman behar zaio espazio horri, baina "alokairu malgua" dela dio Be Casa-k. Egun batzuetako alokairuetatik hasi eta "hilabete batzuetarako... [+]
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
BiziLagunEkin plataformak desazkunde turistikoaren aldeko Euskal Herriko topaketak iragarri ditu, Donostian, elkar ezagutzea, esperientziak partekatzea eta gogoeta kolektiboa egitea helburu. Egitarauaren xehetasunak datozen asteetan jakinaraziko dituzte.
Azken urteotan Donostian gero eta ozenago entzuten ari gara bizilagunen ahotsa: turistifikazioa gure hiria itotzen ari da. Joan den ekainaren 15ean, ehunka donostiar atera ginen berriro kalera gure bizi-baldintzak eta bizimoduak defendatzera. Jendartearen eta auzoen beharrak... [+]
Udako opor hauetan ez dira gutxi izango Andaluziako eguzki eta ur epel bila doazen euskal herritarrak. Kontrako bidea egin zuen Ana Geranios (San Pedro Alcántara, Andaluzia, Espainia, 1988) kazetari eta idazleak martxo amaieran, Euskal Herrira etorri baitzen Costa del... [+]
Reggaetonarekin eta antzekoekin, musika estilo bat ez ezik, Puerto Ricok beste ideia bat zabaldu du mundu osora: turistifikazioaren eta iragan kolonialaren artean dagoen lotura estua. Milioika jarraitzaile dituen Bad Bunny artista da mezu horren bozgorailu. Azken diskoan Jorell... [+]
Donostiako desazkunde turistikoaren aldeko BiziLagunEkin plataformak deituta, Europa hegoaldeko turistifikazioaren aurkako SET sarearekin koordinatu dute ekimena.
Mingainari kosk txikia eginda joan ginen oporretan Kanarietako Lanzarote irlara. Maiatzaren erdian, turista asko-askorik topatuko ez genuela jakinda, prezio guztiak ere merkeago, eta hara eta hona mugitzeko lasaitasun gehiago. Espero bezalaxe izan zen. “Esperientzia”... [+]
BiziLagunEkin desazkunde turistikoaren aldeko Donostiako plataformak ekainaren 15erako deitu du manifestazioa, Europa Hegoaldeko beste hainbat hiritako eragileek bezala. Turistifikazioa salatu eta hiri eredu alternatiboa aldarrikatuko dute.
Europa hegoaldean turistifikazioaren aurrean dauden hirien SET sareak topaketa egin du Bartzelonan, apirilaren 25etik 27ra. Turistifikazioak lurralde eta bizitzetan duen eraginaren tamainaz ohartarazi dute: “Ez da turismo handia jasotzen duten guneen arazoa soilik; sistema... [+]
Ekimen honekin tonu alai eta ironikoan salatu nahi dute aldaketa klimatikoa eta turistifikazioa elkar elikatzen ari direla, eta horrek "gure hiria eta lurraldea merkatuaren logikaren esku uzten" dituela.