Soldata igo eta gutxiago kobratu
Greban jarraitzen dute Domino's Pizzako langileek, soldata eta baldintza hobeak eskatzeko. Ekainean hasi zituzten lanuzteak eta handik gutxira enpresak greban parte hartzeagatik lau langile kaleratu zituela salatu zuten, tartean Ibarrekolandako pizzeriako banatzaile bat. PREST! aldizkarian berarekin egon gara egoera hurbiletik ezagutzeko.
Urte berriarekin batera ekarri zuen PSOEren gobernuak lanbide arteko gutxieneko soldataren igoera. Horrek aldaketak ekarri zituen Domino’s Pizza katearen langileen kobratzeko eran. Enpresak hitzarmena sinatu zuen UGT eta CCOO sindikatuekin eta, soldata igoera dela-eta, Domino’s Pizzako banatzaileek gehiago kobratzen dute orduko, baina banaketa bakoitzeko plusak kenduta.
Batura berria ez da langileen aldekoa izan eta askok hilean 100 euro gutxiago kobratzen dute orain. Kasurako, 600 euroko soldata batean %16,7ko jaitsiera suposatzen du.
Hori da Iker Fernandez Ibarrekolandako Domino’s Pizzako langilearen kasua. Soldata igoera iritsi aurretik 670 euro kobratzen zituen hilean. Banaketa-gehigarriak kendu zizkioten orduko gehiago kobratzearen truke, eta hilean 550 euro kobratzera igaro zen, ia %18 gutxiago.
Greba eskubidearen urraketa
Egoera salatzeko lanuzteak egin zituzten Bizkaiko Domino’s Pizzako langileek ekainaren lehen asteburuan. Jarraian, greban parte hartutako lau langileri kaleratze-gutuna iritsi zitzaien. Ekainaren 5ean jaso zuten, baina maiatzaren 19ko datarekin, lanuzteak izan baino lehen. ELAren iritziz, enpresak kaleratzeen eta grebaren arteko lotura ezabatu nahi izan zuen era honetan. Kaleratzeko modua “oso larria” izan dela salatu du sindikatuak eta, ondorioz, bidegabeko kaleratzeen aurkako demandak jarriko dituela azaldu du.
Iker Fernandez, Ibarrekolandako Domino’s Pizzako banatzailea, era horretan kaleratu zuten. Kontratu mugagabea sinatzeko zorian zegoen, baina lanuzteak izan eta hiru egunera kaleratze-gutuna jaso zuen. Horrez gain, lehenengo mobilizazio egunetan enpresak hainbat grebalarien postuak ordeztu zituela salatu dute, zenbait kasutan lanera joandako langileak 12 orduz jarraian lan egitera behartuz. Isabel Garcia ELA-Zerbitzuak ataleko ordezkariak ohartarazi du Domino’s Pizzako jatetxe batean langile bat 13:00etatik 01:00etara egon zela lanean, greba egiten ari zirenak ordezkatzeko. Dagoeneko ELAk bi salaketa jarri ditu lan ikuskaritzan legez kontrako ordezkapenak direla-eta.
Kaleratutako langileak birkontratatzeaz gain, estatu mailako lan-hitzarmena hobetzea eta prekaritatearen aurkako benetako neurriak hartzea eskatzen dute. Horrela azaldu digu Isabel Garciak langileen egoera: “Ez dute lan-egutegirik, soldatak oso prekarioak dira, legeak baimendutako ordu estrak baino askoz gehiago egiten dituzte eta lan baldintzak kaxkarrak dira”.
Domino’s Pizza Zena taldeak kudeatzen du, Starbucks, Foster’s Hollywood, Burger King eta hainbat enpresa bezala. Garciak esan digun bezala, enpresa ez da sindikatuekin harremanetan jarri oraindik. Bai, ordea, langileekin, “baina langileek jakin badakite hobe dela sindikatuen bitartez negoziatzea”, argitu digu.
LABek jakin ahal izan duenez, Iruñeko garraiolari bat hil da asteazken goizaldean Erriberrin, lanerako zerabilen kamioia bidetik atera eta irauli ostean.
Ez kobratzea, nagusiaren senideen etxeak garbitu behar izatea, lantokian lo egin behar izatea, irainak... Luxuzko jatetxeko esklabotza-baldintzen lekukotzak argitara ateratzen jarraitzen dute Urola Kostan.
Abuztuaren 13an, 54 urteko Nafarroako garraiolari bat hil zen Bartzelonan deskarga lanak egiten zituen bitartean. Hurrengo egunean, Errenteriako Merkaoiartzunen 58 urteko langilea hil zen istripu ez-traumatiko baten ondorioz.
Udako opor hauetan ez dira gutxi izango Andaluziako eguzki eta ur epel bila doazen euskal herritarrak. Kontrako bidea egin zuen Ana Geranios (San Pedro Alcántara, Andaluzia, Espainia, 1988) kazetari eta idazleak martxo amaieran, Euskal Herrira etorri baitzen Costa del... [+]
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.
Foruzaingoaren esanetan, ezbeharra gertatu den lekuan bertan hil da 50 urteko langilea. LAB sindikatuaren zenbaketaren arabera, urte honetan dagoeneko 21 langile hil dira beharrean ari zirela.
