“Zergatik da hain zaila beltza eta urdina ikustea?” galdetzen du The Salvation Army GKE kristau ingelesaren iragarkiak, gorputza ubelduraz betea daukan emakume bat soineko zuri eta urrekara jantzita agertzen den argazkiaren ondoan.

“Ilusio optiko bakarra bere aukera izan dela pentsatzea da. Sei emakumetik bat erasoen biktima da. Gelditu emakumeen aurkako erasoak” esaldiak osatzen afixa, The Independent egunkarian irakur daitekeenez.

Iragarkia argitaratu denetik jende askoren ahotan dabil Erresuma Batuan. Izan ere, Roman Originals etxeak ekoiztutako soinekoari egiten dio erreferentzia. Fenomeno biral bihurtu da azken asteetan, zenbait pertsonak soinekoa urdin eta beltz ikusten zutelako eta beste batzuek, aldiz, zuri eta urrekara, ilusio optiko baten eraginez.

Indarkeria matxistaren kasuan, errazagoa behar luke gauzen kolorea zein den argi ikustea.