Siemens Gamesak 423 langilerentzako erregulazio espedientea proposatu die sindikatuei
Aldi baterako erregulazio espedienteak aerosorgailu konpainiak Asteasun eta Zamudion dituen lantegietako langileei eragingo lieke eta batzarrean bozkatuko da aurreakordioa.
Siemens Gamesak lurrean jartzeko haize erroten aerosorgailuekin izandako arazo teknikoek eragin zuzena izango dute azkenean langileengan ere bai: 450 lagunentzako aldi baterako lan-erregulazio espedientea proposatu du enpresak, eta horietatik 423 Euskal Herrian, Zamudion eta Asteasun dituen lantegietako langileei eragingo lieke. Hala ziurtatu du EITB Mediak.
Enpresak eta sindikatuek asteartean egin zuten aurreakordioa, eta orain batzarrean bozkatu eta onartu beharko dute langileek. Aurrera eginez gero, espedientea urte eta erdiz egongo litzateke indarrean, baina "malgutasuna" izatea aurreikusten dutela azaldu du hedabide berak.
Siemens Gamesak arazo ugari eta galera ekonomikoak izan ditu bere onshore aerosorgailuekin, 4X eta 5X deituriko turbinek akatsak eman baitituzte. Duela urtebete Siemens Energy konpainiak –Gamesaren jabea– 15.000 milioi euroko "erreskate" plana onartu zuen Alemaniako Gobernuarekin, baina ordainetan berregituratzeak egingo zituela azaldu zuen.
Horrek alarmak piztu zituen langileen artean. Hala, azaroan konpainiak "doikuntzak" iragarri zituen. Izan ere 2025 urterako 1.300 milioi euroko galerak aurreikusi dituzte.
Langileek, baina, "finantza ingeniaritza" operazio baten aurrean gaudela ziurtatu dute. Gamesak Euskal Herrian egiten diren lurreko aerosorgailuak baztertu eta offshore edo itsasoko zentral-eolikoetan dauka jarrita begia aspaldi.
Siemens Gamesak 30.000 langile ditu mundu osoan, horietatik 3.000 Euskal Herrian, Zamudion, Asteasun, Mungian, Sarrigurenen eta Arazurin dituen lantegietan.
Astilleros Balenciaga hartzekodunen konkurtsora
Zumaiako Balenciaga ontziola hartzekodunen konkurtsoan sartu da ofizialki, Donostiako Merkataritza Arloko Lehen Epaitegiak hala erabakita. Radio Euskadik baieztatu ahal izan duenez, PFK Attest enpresa izango da konkurtso-administratzailea –Sestaoko Naval ontziolaren itxiera kudeatu zuen bera– eta bere gainbegiradapean jarraituko dute lanean oraingoz.
Ontziolak aurrera egin ahal izateko, bere hartzekodunek 37 milioi euroko zorrari egin beharko diote aurre eta horretarako inbertitzaile baten bila dabiltza.
Asteazkenean Zumaiko lantegiko beharginek elkarretaratzea egingo dute Donostian, ontziolarentzako irtenbide bat eskatzeko.
Aurten, berriz ere, Euskaraldia izan dugu. Bi astez, gure hizkuntza-ohiturei erreparatu diegu, geure buruari galdetuta zenbat eta nola egiten dugun euskaraz. Baina ariketa horretatik harago, galdera handiago bat ere pizten da: zeren araberakoa da hizkuntza baten biziraupena?... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Astelehen goizean ezagutu da industriarentzat kolpe latza izango den notizia: datorren astean hasiko du enpresak EEEaren negoziazioa, eta kalean geratuko dira 655 langile.
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
Natura aspaldi deuseztatu genuen. Hori da gure kultura, natura deuseztatzea. Oinarrian, nekazaritzaren kultura, goldearen kultura, kultibatzea, berezko natura deuseztatzea da. Guk nahi ditugun mozkinak eta etekinak jezteko moduko “natura” dugu gurean.
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
Lurraren historian espezie askok komunikazio konplexuak garatu dituzte, baina gutxik dute erleen dantzaren pareko kode sofistikatua. Erle langileek elikagai-iturrien kokapena adierazteko erabiltzen duten dantza ez da soilik naturaren mirari bat, baita zientziaren begietatik... [+]
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Rescoop.eu federazioko Kontseilu Errektorean sartu da Goiener kooperatiba, eta "lorpen handitzat" jo du ardura berri hori. Iragan maiatzaren 22an Krakovian (Polonian) egindako Energia Komunitarioaren Foruman parte hartu ahal izan dute, eta une inportantea izan... [+]
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
Boubacar Dioufek, Mbolo Moye Doole Bizkaiko manteroen eta kalez kaleko saltzaileen elkarteko kideak, Bilboko kaleetan arrazakeria eta abusu poliziala areagotu direla adierazi du.
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]