Pantailaz inguratuta bizi gara, gailu batetik bestera egiten dugu salto etengabe. Errealitate honek komunikazio eta marketin ikuspegitik aukera ugari zabaltzen du. Herri bezala, ondo prestatzen ari al gara horiek baliatzeko? Euskarabildua jardunaldian galdera horri erantzunak eman nahi dizkiogu.
Azaroaren 5ean egingo da jardunaldia Donostiako San Telmo Museoan, “Mundua bete pantaila: Komunikazio eta marketin eredu berriak gailu ugaritako errealitatean” izenburuarekin.
Musika detekzioan aitzindaria izan den Shazam aplikazioaren arduradunetako bat, Filippo Vizzotto, izango da hizlari, baita Kataluniako TV3 telebista kate publikoko eta Frantziako Pictanovo elkarteko ordezkariak ere. Gainera, ARGIA telebista inteligenteetara egokitzeko prestatzen ari den proiektuaren aurrerapen bat aurkeztuko dugu.
Beste berrikuntza jardunaldiaren live storytelling edo jarraipen bizia izango da: marrazkilari baten laguntzarekin, hitzaldietan esaten dena mural moduko batean jasoko da eta hura marrazten den bitartean, proiektore batean ikusiko da, unean-uneko Twitter jarioarekin batera eta entzuleek euren gailu mugikorren bidez egiten dituzten galderak jasoz, besteak beste.
Iametza, ARGIA eta Ametzagaiña antolatzaile
Jardunaldia Iametza Interaktiboak, ARGIAk eta Ametzagaiña Taldeak antolatzen dute teknologia berrien eta hizkuntzen arteko topagune izateko helburuarekin, euskarari protagonismoa emanez. Beste batzuekin ezagutza partekatzeko eta kanpoko esperientziak ezagutzeko aukera izango da azaroaren 5ean.
Jardunaldian parte hartzeko, helbide honetan doan izena ematea beharrezkoa da.
Informazio gehiago:
Pantailaz beteriko munduan zer etorkizun euskararentzat? Eli Pomboren erreportajea ARGIAren 2.478. zenbakian.
Euskarabildua jardunaldiak egin dituzte Donostiako San Telmo museoan eta antolatzaile da ARGIA, Iametza eta Ametzagaiña taldeko enpresekin batera. Egunerokoan baliagarriak diren teknologia burujabe eta libreak ezagutzera eman ditu jardunaldiak. Euskaraz lan egitea... [+]
Beñat Irasuegi Talaios Kooperatibako kideak Odoo tresna librea aurkeztuko du Euskarabildua jardunaldietan ostegunean Donostiako San Telmo museoan.
Mailtrain e-posta bidalketak egitea ahalbidetzen duen software librea da. Norberaren zerbitzarian instalatzeko aukera eman eta datuen pribatutasuna zaintzen du.
Hodei propioa eraikitzea ahalbidetzen duen software librea da Nexcloud, datuen pribatutasuna zaintzen duena. Dokumentuen biltegia eta partekatzeko gunea izateaz gain, bestelako funtzionalitateak ere integratzen ditu: bideo-deiak egiteko Talk sistema; egutegia; posta... [+]
Herritar gehienontzat hiru kontzeptuek esanahi bera izan ohi dute: teknologia burujabetza eta software librea sinonimoak dira, baita librea izatea eta kode askekoa izatea ere. Baina nahiz eta harremana duten kontzeptuak izan, ez dira gauza bera.
Urriaren 26an Donostiako San Telmon egingo den Euskarabildua jardunaldien lehen zatian hezkuntza eta baliabide libreak izango dira hizketagai.
Hala jarri diote izena aurtengo Euskarabildua jardunaldiei, mintzatzeko Google-tik harago dagoen mundu burujabeaz. Baina izan zitekeen 2012an Iametzak eta Ametzagaña taldeak antolatu zuten estreinako edizio haren izena ere. Hamabi edizio iragan dira ordutik. Hizlariak,... [+]
Gero eta gehiago entzuten da etorkizunean ez dugula teklaturik erabiliko. Gero eta ohikoagoa da makinekin elkar eragiteko ahotsa erabiltzea eta horretarako hainbat tresna daude: Google Assistant, Apple Siri, Microsoft Cortana, Amazon Alexa... Tresna hauek erraztasun handiak... [+]
Alexis Kauffmann, Frantziako Hezkuntza Ministerioko DNEko (Hezkuntzarako Zuzendaritza Digitala) teknologia digitaleko sektoreetako software-proiektuen eta hezkuntza-baliabide libre eta mistoen zuzendaria da. Hezkuntza libre eta irekiaren aldeko ekintzaileak urriaren 26an... [+]
Euskaraz lan egitea ahalbidetzen duten eta egunerokoan baliagarri zaizkigun tresnen erakusleihoa ere izango da aurtengo edizioa.
Urriaren 27an Euskarabildua jardunaldia antolatu dute beste urte batez, teknologia eta komunikazioaren arteko harremanen inguruan sakontzeko. Aurtengo edizioan teknologia burujabea izango dute ardatz: "Garrantzitsua da gizarteak egoera eta arazoa ulertzea, ezagutzatik... [+]
Urriaren 27an San Telmo museoan egingo den Euskarabildua jardunaldira bertaratutakoek lau lan dinamiketako batean parte hartzeko aukera izango dute: Hezkuntza, Telekomunikazioak, Informazioa eta komunikabideak eta Gobernantza. Saretzeko eta hausnartzeko parada izango dira... [+]
2020tik pandemia batean murgilduta egon gara duela gutxi arte eta orain energia eta baliabide krisi handi batean. Asko hasi dira zalantzan jartzen globalizazio basatiaren eta bizi garen inguruneak eman diezazkigukeen baliabideak gainditzen dituen bizitzeko modua... [+]
Digitalizazioaren bidean aurrerapausoak egin behar direla argi dago, baina zer nolako prozesua da bultzatu behar duguna? Bizitzako beste arlo askotan bezala, modu askotara iritsi gaitezke jomugan ditugun helburuetara. Hala, digitalizazioaren eta teknologiaren eremuan ere arduraz... [+]