Sexu erasotzaileen %80 biktimaren ezaguna da Sexviolen ikerketa baten arabera
Madrilgo Auzitegiak sexu erasoekin lotuta emandako 178 sententzia aztertu dituzte azterlan batean eta hainbat mito ezeztatu dituzte. Hala nola, erasoak gauez bezainbeste egunez izaten direla eta soilik %20 egiten dela eremu publikoetan.
Sexviol ikerlari taldeak asteartean aurkeztu zuen sexu erasoei buruzko azken txostena, El Salto agerkariak plazaratu duenez. Azterlan horren helburuak izan dira sexu erasoen mitoen atzean dagoena azaleratzea eta erasotuei babesa ematea. “Sexu erasoen biktimek ez dute gure errukia behar, gure errespetua eskatzen dute”, azpimarratu dute ikerlariek. Madrilgo Auzitegiak 2016 eta 2018 artean emandako sexu erasoen 178 epai izan dituzte oinarri, eta jendartean zabalduta dauden hainbat uste ezeztatu dituzte.
Daturik deigarriena da kasuen %80an erasotzailea biktimaren ezaguna dela, areago, %17,4k gertuko harremana dute, bikotea edo bikotekide ohia baita. Dokumentuaren arabera, sexu erasoen %60 etxebizitzaren batean egin dute, eta soilik %20 eremu publikoetan.
Sexviolen azterketak eraitsitako beste mito bat da sexu erasoak ez direla gauez izaten nagusiki; orduak “ez du garrantzirik”: aztertutako kasuen %45 egunez egin dituzte eta %55 gauez. Erasotzaileen %13k erabili du armaren bat. Halaber, azken urteetan zabaldu den ustearen kontrara, ondorioztatu dute taldeko bortxaketak gutxiengoa direla: ikertutako 178 kasuetatik bost besterik ez.
Erasotzailearen perfila ere aztertu du Sexviolek. Gizonezkoak izan dira 177 eta soilik bakarra emakumezkoa. Aitzitik, biktimak emakumeak dira ia-ia beti: aztertutako 178 kasuetatik zortzi dira gizonak. Gainera, txostenak nabarmentzen du sexu erasotzaileek ez dutela “jendartearen aurkako patroirik edota patologia-patroirik”. Erasotzaileen %70ak ez dauka inolako aurrekari penalik; soilik %1,7k dauka sexu erasoekin lotutako aurrekariren bat.
Kontzientziazioa helburu
Sexviol lan-taldea osatzen duten emakumeak lau unibertsitateko irakasleak eta ikerlariak dira. Sanferminetako taldeko bortxaketaren harira elkartu ziren, emakumeen aurkako sexu erasoen gaineko informazio baliagarria biltzeko. "Kontzientziazioa eta sentsibilizazioa" helburu, kontrastatutako ezagutza zientifikoa eskuratzeko beharra azpimarratzen dute.
Biktimak babestearen eta laguntzearen alde daude, baina fokua jendartean jartzen dute: "Gai izan behar dugu emakumeen eta nesken askatasunarekiko errespetuzkoak diren maskulinitate ereduak sortzeko".
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Uztailaren 5ean egin zituen sexu erasoak Iruñeko barraka gune batean. Leporatutako delituen larritasuna dela eta epaileak fidantza ordaintzeko aukera kendu dio.
2024aren bukaeratik behartu du gaztea berekin sexu-harremanak izatera, diru truke.
Mauleko Chaumes gasnategian langile eta CGTko sindikatu ordezkaria izandako gizon baten kontrako lau salaketa dira pausaturik, eta Larraine gaineko Iratiko Txaletetan lankide ukandako bosgarren emakume batek ere gehitu du berea. Uztailaren 3an iraganen da auzia Pauen. Erasoa... [+]
Betharram ikastetxearekin lotutako sexu eta bortizkeria kasuak ikertzeko asmoz, Batzorde Ikerketa Independenteko kideek lekukotasunen bilketa abiatu dute
Zizur Nagusiko institutu batean 41 pertsona grabatu zituen eta haietako 30 bere ikasleak ziren. Argazki batzuk sare sozialak erabilita lortzen zituen eta adimen artifizialarekin aldaketak egiten zituen.
San Roman auzoko jaietan bost neska adingaberi ukituak egiteagatik 18 urteko mutil bat atxilotu zuen Ertzaintzak Muxikan (Bizkaia). Udalak eta herriko Mugimendu Feministak elkarretaratzea deitu dute asteartean 20:30erako.
Akusazioa onartu, eta eragindako kalteengatik, kalte ordainak ordaindu dizkio: zigorra jaitsi diote, eta, beraz, ez du kartzelara sartu beharko. Beste gizon batek aitortu du bost urtez bikotekideari sexu abusuak egin zizkiola: zigorra jaitsi diote hamahiru urtetik laura, eta... [+]
Erasoa Loinatz jaietako azken egunean gertatu zen. Goierriko Itaiak elkarretaratze bat antolatu zuen gertakaria salatzeko.