Sexu eraso "transfoboa eta lesbofoboa" sufritu duela salatu du Medeak taldeko kide batek
Bere testigantza argitaratu dute Medeaken webgunean. Maiatzaren 23an, Donostiatik gertuko gasolindegi batean gizon baten “eraso fisiko larria” sufritu zuela salatu du.
Albiste hau Irutxuloko Hitzak argitaratu du eta Creative Commons lizentziari esker ekarri dugu.
Bere aurkako erasoa “arrazoi lesbofobo eta transfoboengatik” gertatu zela kontatu du. Errepidean zirela ustez izandako ika-mika batek eragin zuen gizonaren haserrea. Gasolindegi batean geratu zirenean egin zion eraso, eta hango emakume langile batek lortu zuen etetea.
Berria egunkariaren arabera, Medeakeko kideak Ertzaintzan salaketa jarri zuen, eta maiatzaren 29an egin zuten epaiketa. Akusatuak onartu egin zituen bere aurkako karguak: eraso arina eta mehatxuak, 150 euroko kalte ordaina, eta urruntze agindua. Salatzaileak kendu behar izan zuen sexu erasoaren salaketa; dena den, hala izan zen zalantzarik ez du. “Transfobia eta lesbofobia ez dira sexu-erasotzat hartzen: tipo batek titiak txikitu zizkidan, baina horrek ez omen dauka inongo kutsu sexualik. Tipoak adierazi zuenez, uste zuen ni gizona nintzela, baina ez dakit nola arraio tematu zen hainbeste nire titiekin pentsatu baldin bazuen gizon bat nintzela”.
Medeak-ek salatu du taldeko kideak “justizia patriarkalaren prozesu biktimizatzaile bikoitza” jasan duela, hark bizitakoa “eraso sexual edo gorroto delitu bezala” ez dutelako epaitu.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]