Sexu askatasunaren kontrako erasoek gora egin dute eskualdean
Azken asteetan Irungo zenbait establezimendutan emandako lapurreten harira, sare sozialetan eta zenbait komunikabidetan piztu den alarmari aurre egin nahian edo, Ertzaintzak, Irun-Hondarribiko Udaltzaingoak eta bi udalerrietako segurtasunerako zinegotziek egin ohi duten Koordinazio Batzordearen balorazioa publiko egin zuten atzo.
Irungo Ertzain-Etxetik eman dituzten 2018ko datuen arabera, ez da egia gure eskualdean lapurretek gora egin dutenik. Kontrakoa baizik. Kriminalitate-tasak, aldiz, ezin estali dezake beste errealitate bat, sexu askatasunaren kontrako erasoek gora egin dute, hirukoiztu egin dira zehazki, 2017an 12 sexu eraso salaketa jaso ondotik, iaz 34 izan baitira.
Hortaz gain, 231tik 299ra emendatu dira lesio-delituak, eta zentzu honetan igoerarik nabarmenena familiaren esparruko erasoetan izan da, 76 salaketarekin.
Halere, orohar, eskualdeko delitu tasa %1,62 apaldu zen 2018an, 2.670 arau-hauste eman direlarik, 34 gutxiago. Eta bereziki, hain zuzen ere lapurretek %5,97 egin dutelako behera. Izan ere, 2017an baino 108 lapurreta delitu gutxiago egin ziren iaz Irun-Hondarribian, bereziki, indarra erabilita egindako lapurreten kasuan. Beraz, datu ofizialek agerian uzten dute, lapurreta delituek gora egin dutela gezurra dela.
Albistea Antxeta Irratiak argitaratu du eta Creative Commons lizentziari esker ekarri dugu.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.
Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.
28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.