Sektore publikoan hirugarren greba eguna deitu dute Araba, Bizkaia eta Gipuzkoan, “borondate politikorik ez dagoela” salatzeko
Hirugarrenez hilabete gutxitan grebara joko dute sektore publikoko langileek lan baldintzak negoziatzeko "borondate politikorik ez dagoela" salatzeko. Martxoaren 12rako deitu dute lanuztea ELA, LAB, CCOO, Steilas eta ESK sindikatuek. Oraingoan Satse sindikatua ez da batu deialdira.
Araba, Bizkaia eta Gipuzkoako sektore publikoan dagoen behin-behinekotasuna eta erosahalmen galeraren aurrean borrokan ari dira langile publikoak, eta hirugarren greba eguna egingo dute martxoaren 12an, ELA, LAB, CCOO, Steilas eta ESK sindikatuek deituta –EAEko langile publikoen %80 ordezkatzen dute–. Osasungintza sektoreko Satse sindikatuak ez du deialdia babestu.
Deitzaileek azaldu dute ez foru aldundiek ezta Eusko Jaurlaritzak ere, ez dutela lan baldintzak negoziatzeko "borondate politikorik" erakutsi, eta hain justu diote horri loturiko auziak direla euren eskaerak, besteak beste "soldatak eta enplegua hemen erabakitzea".
"Madrilgo betoak baliogabetzea lortzeko", greban "masiboki" parte hartzeko eskatu diete sindikatuek langile publikoei
Horregatik, "Madrilgo betoak baliogabetzea lortzeko", langileei greban "masiboki" parte hartzeko eskatu diete sindikatuek, deialdia publiko egiteko asteartean egindako agerraldian.
Salatu dute behin behinekotasuna EAEko sektore publikoan inoiz baino altuagoa dela, %44koa zehazki, eta azken bi urteetan erosahalmen galera %8koa izan dela.
Hala, hainbat aldarrikapen jarri dituzte mahai gainean: %10eko soldata igoera; pribatizazioei atea ixtea; enplegu publikoa sortu eta kontsolidatzea; lan kargak arintzea; politika feministatak martxan jartzea eta berdintasunerako plan "erreal eta eraginkorrak" adostea; administrazioa euskalduntzea; eta lan astea 32 ordura murrizteko norabidea ipintzea.
Eusko Jaurlaritza: "Ez dago arrazoirik"
Eusko Jaurlaritzak, bere aldetik, adierazi du ez duela greba deitzeko "arrazoirik" ikusten. Olatz Garamendi Gobernantza Publikoko sailburuak esan du azken mahai sektorialean "hobekuntzak" proposatu zituztela "negoziatzen hasteko", baina sindikatuek ez zituztela onartu.
Datu eta erabaki batzuen berri ere eman du Garamendik, Gobernu Kontseiluaren osteko prentsaurrekoan: EAEko langile publikoen 2023ko ordainsariak %0,5 igoko dituzte atzeraeragintasunez. Horrez gain, azaldu du enplegu publikoko "1.600 plaza baino gehiago esleitu aurreko uneetan" dagoela administrazioa.
Ostiral honetan manifestazioa antolatu dute Gasteizko lorezainek, greba mugagabea hasi zutenetik sei hilabete beteko diren egunean. “Gatazka konpontzeko aurrerapausoak urriak izan dira”, salatu du enpresa batzordeak aste hasieran. Irtenbide bakarra “soldata... [+]
Garnica taldeak egin nahi dituen 39 kaleratzeen aurka hasi dute greba mugagabea Laudioko egur fabrikako langileek. Goizean bilera izan du Enpresa Batzordeak Garnicako zuzendaritzako kideekin, eta langileek txistu artean jaso dituzte.
Hala iragarri dute langileek ostegun arratsaldean Laudion eginiko mobilizazioaren amaieran.
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Greba eguna da gaurkoa Ipar Euskal Herrian zein Frantziako Estatuan. "Dena blokeatzeko" mobilizazioaren kari, 50 bat lagunek ekintza bideratu dute Miarritzen, Hotel du Palais luxuzko hotelaren atarian. Bi lagun atxilotu ditu Poliziak.
Laudioko fabrikako jardunaren zati bat tokialdatu nahi du zuzendaritzak, 39 behargin kaleratuz.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
