G7

Sei hilabeteko espetxe zigorra, G7ko kontra-gailurrean atxilotutako bi pertsonarentzat

  • Zigorra gibelapenarekin jarri die epaileak, beraz printzipioz ez dute espetxean bete beharko.

G7aren kontra-gailurrean atxilotutakoak askatzeko exijituz egindako elkarretaratzeetako bat (Argazkia: Topatu)

2019ko irailaren 10an - 10:42

G7aren goi bilera burutzen ari zen egunetan atxilotutako bi pertsona astelehenean igaro ziren epailearen aurretik. Akizeko epaitegian burutu zen hauen kontrako epaiketa, eta hasiera batean zazpi arau hauste egozten bazizkieten ere, epaileak horietatik hiru onartu ditu: bi radar kontrolen gainean pintatu izana, eta A.C.A.B. (All Cops Ar Bastards esaldiaren laburdura, euskaraz “polizia oro sasikumea da” esatera datorrena) zioen pintaketa egitea.

Gainontzeko lau arau hausteak onartzeko frogarik ez du izan epaileak, eta gauzak horrela, seina hilabeteko espetxe zigorra ezarri die, gibelapenarekin. Hala bada, printzipioz ez dute zigorra espetxean bete beharko, baldin eta bi urteko epean beste auzirik ez badute. “Herritartasun” ikastaro bat ere egin beharko dute, baita 894 euroko isuna ordaindu ere.

Epaitutako arau hausteak abuztuaren erdialdera jazo ziren, G7aren gailurra burutu aurretik. Fiskaltzak, baina, G7aren kontrako protestetan parte hartu nahi izatea leporatu die.

Bizi! Mugimenduko ekintzaileen aurkako epaiketak burutzear

Asteazkenean eta ostiralean epaituko dituzte, baita, Bizi! Mugimenduko hamaika kide ere. Frantziako presidente Emmanuel Macronen erretratuak herriko etxeetatik kentzeagatik, bost urteko espetxe zigorra eta 75.000 euroko isuna jaso dezaketela jakinarazi du mugimenduak. Epaiketak Parisen eta Orleansen (Frantzia) burutuko dira.


Kanal honetatik interesatuko zaizu: G7
2021-10-27 | Leire Artola Arin
Herrialde pobretuei hitzemandako COVID-19aren txertoen %14 soilik helarazi zaie

Nazioarteko 70 erakundetik gora biltzen dituen People Vaccine’s Alliance koalizioak aurkeztutako txostenak dio herrialde pobretuetako herritarren %1,3k jaso duela txertoaren dosi guztiak. Errudun jo ditu farmazeutikak eta herrialde aberastuenak, txertoak pilatzeagatik.


2020-06-26 | Mikel Eizagirre
Zigor arina ezarri diote G7aren aurkako ekintzaile bat aurpegian zauritu zuen poliziari

90 egunez 15 euroko isuna ordaindu beharko du 2018ko abenduan Miarritzen Lola Villabriga gaztea aurpegian LBD jaurtigailu batekin zauritzeagatik.


Munduko 76 herrialde txiroenei kanpo-zorra urtebetez atzeratzea onartu dute G20ko estatuek

G7ko estatuek munduko 76 herrialde pobreenei kanpo-zorraren ordainketa atzeratzea onartu dute, diru hori koronabirusaren krisian erabili dezaten. Guztira 18.000 milioi euro dira atzeratu direnak. G20ko herrialdeek ere onartu dute atzerapena, eta ordainketa epea gehiago luzatu... [+]


2020-04-15 | ARGIA
Kanpo-zorraren ordainketa urtebetez atzeratuko diete 76 herrialde txiroenei

G7ak adostu du neurria, eta G-20ak berretsi behar du orain. Atzeratutako ordainketen diruarekin pandemiari aurre egiteko neurriak garatzea da asmoa. Atzeratzea baino, zorra barkatzea da hainbat eragilek eskatzen dutena.


Eguneraketa berriak daude