Segimendu Bereziko Unitatetik atera dute Oihan Arnanz Altsasuko gaztea
Altsasuko Gurasoek eman dute horren berri. Etxean nahi dituzten arren albiste "ona" dela nabarmendu dute. Epaia ezagutu eta berehala, ekainaren 16rako, manifestazioa iragarri dute justizia eskatzeko. Iruñean izanen da 17:00etan Golem zinematokietatik.
FIES erregimenean izan dute Oihan Arnanz gaztea. Segimendu Bereziko unitatea da hori eta muga asko ezartzen dizkiete egoera horretan dituzten presoei. Atzo iragarri zuten Altsasuko Gurasoek erregimen horretatik atera dutela Arananz. Nahiz eta etxean nahi dituzten zazpi gazteak, albiste "ona" dela nabarmendu dute. "Gutxienekoa litzateke etxetik gertu dauden espetxeetara hurbiltzea", nabarmendu dute Twiter kontuak Altsasuko Gurasoek.
Jendearen elkartasuna
Altsasuko Auzia hasi zenetik nabarmendu dute Altsasuko Gurasoek eurek alde positibo bat izan badu proportzionaltasun falta honetan, bidegabekeria honetan ... jendearen babesa eta elkartasuna izan dituztela bidelagun. Hala, indarrarekin segitzeko, beste deialdi bat egin dute: ekainaren 16an Iruñeko Golem zinematokietatik irtengo den manifestazioan parte hartzeko. 17:00etan irtengo da eta justizia eskatuko dute.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
