Hur Gorostiaga Seaskako zuzendariak Hegoaldetik jasotzen duten laguntza eskertu du, eta esan du saria jasotzeak “egiteko lan handia” geratzen dela adierazten duela.
Hau Pittu Hau Bilboko euskaldunen konpartsak Seaska elkarteari eman dio urtero banatzen duen Euskara Saria, Ipar Euskal Herrian mende erdiz euskarazko irakaskuntza sustatzeko egiten ari den lana aitortzeko.
Berriarekin elkarrizketan, saria aurreko mende erdian pentsatuz eman dietela uste duela esan du Gorostiagak. Aurten Seaskak mende erdia bete duela gogorarazi du, eta Ipar Euskal Herrian euskarak duen egoera dela eta, “betiko zailtasunekin” lan egin behar dutela.
Euskara Ipar Euskal Herrian ez da ofiziala, baina Gorostiagak aitortu du bereziki azken urteak izaten ari direla zailak, Emmanuel Macron gobernura iritsi zenetik zailtasunak besterik jartzen ez dietela adieraziz: “Macron gobernuan dagoenetik trabak besterik ez dugu izan, eta irabazitako guztia borroka bidez izan da”, esan du Gorostiagak.
Egun duten arazo larriena “irakasle falta” dela onartu du Gorostiagak, geroz eta haur gehiago matrikulatzen ari baita azken urteetan: “Frantzia hiperzentralizatuan irakasle postuak Parisen erabakitzen dira, euskararen beharrak inolaz ere kontuan hartu gabe”, dio Gorostiagak.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.