Seaskaren Senpereko kolegio berriak ateak ireki ditu ikasturte hasierarekin batera
Ziburuko kolegioa txiki geratu zaienez, 11 eta 15 urte bitarteko ikasleentzako kolegio berria eraiki dute zazpi hilabetean: Kattalin Elizalde. Irailaren 4an hasi dute ikasturtea, Ipar Euskal Herriko ikasle gehienek bezala.
Ekin diote 2023-2024 ikasturteari Ipar Euskal Herriko ikasle eta irakasleek, eta Seaskaren berrikuntza nagusia izan da Kattalin Elizalde kolegioaren irekiera, Senpereko lakuaren alboan. 5. eta 6. mailako 11 eta 15 urte arteko 82 ikaslerekin hasi dira lanean, lau gelatan banatuta. “Baldintza biziki onetan sartze biziki ona izateko prest gara”, jakinarazi zuten abuztu amaieran Iñaki Lekuona zuzendariak eta Mixel Bidegain gurasoen elkarteko buruak Euskal Irratietan.
Orain arte Ziburuko Piarres Larzabal kolegiora joaten ziren inguruko herrietako Seaskako ikasleak, baina txiki geratu zaienez, Senperen eraiki dute beste 150-200 ikaslerentzat tokia izango duen ikastetxea. Seaskak azken urteetan hazkunde nabarmena izan du, eta Bidegainek eta Lekuonak bi arrazoi azpimarratu dituzte: gurasoen nahikeria haurrak euskaraz hazteko, eta Seaska eta gurasoak gauzak ondo egiten ari direla. “Euskara garatzeko eta indartzeko tresna dira [ikastetxeak]. Kattalin Elizalde kolegioko ikasleak hemendik hamabost urtera erabakiguneetan egongo dira, euskararen alde egiten”, aurreikusi dute.
Zazpi hilabetean egin dituzte lanak, Bidegainek eta Lekuonak azaldu dute azkartasunaren arrazoia: “Gurasoen inplikazioak eta mobilizazioak fruituak ematen dituela ikusi dugu”. Baieztatu dutenez, abendu amaierarako ia burututa egongo da kolegioa. Lehen fasea amaituta ireki dituzte ateak: lau gela, administraziorako gelak eta jangela. Sei zazpi astez ikasleek “espazio murritza” izango dutela ohartarazi dute, baina bigarren fasean aterpe handia eta kirol eremu atzeko gelak irekiko dituzte. Azkenik, hirugarren fasean kirol eremua irekiko dute.
Euskaraz, erdia baino gutxiago
Lapurdi, Nafarroa Beherea eta Zuberoako lehen mailako 11.028 ikasleetatik 3.795 euskarazko murgiltze ereduan arituko dira ikasturte honetan, eta beste 6.966 ikasle eredu elebidunean. Frantziar Hezkunde Nazionaleko Pirinio Atlantikoetako departamentuko zuzendaritzaren datuen arabera, Kazeta.eus-ek jaso duenez.
Bigarren mailan 1.069 ikasle arituko dira murgiltze ereduan, 786 euskal aukeran eta 2.205 elebidunean. Lizeora heldutakoan gutxiagok ikasten dute euskaraz: 227k euskarazko ereduan, 668 elebidunean eta 485 murgiltze ereduan.
2023-2024 ikasturteko beste berrikuntza bat da baxoa azterketa martxotik ekainera atzeratu dutela, lehengo eredura itzulita, Frantziako Hezkuntza ministro Gabriel Attal-ek abuztu amaieran jakinarazi duenez.
DBH, Batxiler eta Lanbide Heziketan irakasle izateko ez dela zertan irakaskuntzan formakuntzarik jaso, aski dela ikasgai horretako edukiak menperatzearekin. Hori legeztatzeko eskatu diote Espainiako Gobernuari hainbat erkidegotatik, eta gaia lehen planora ekarri berri du ELGAk,... [+]
Irailaren 1ean hasi dute ikasturtea Ipar Euskal Herrian, euskarazko eskaintzari dagokionez, hainbat berrikuntzarekin. Esaterako, Sohüta eta Luhusoko haur eskola publiko banak euskarazko murgiltze eredua eskainiko dute, eta Hazparneko Armand-David laborantza lizeoak euskaraz... [+]
473 plaza eskaini dituzte eta 84 ez dira bete. Lehen Hezkuntzan, aldiz, ia lanpostu guztiak bete dira.
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]
Kanbon egin duten urteko biltzar nagusian ontzat jo dute lizeo berriaren garapenari buruzko txostena. Donapaleuko ikastolaren ondoan egongo da, eta hasiera batean 180 ikasle hartu ahal izango ditu, Seaskako arduradunen arabera. Lizeo berriaz gain, urteko biltzarrean azken... [+]
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Bordeleko Errektorearekin hitzartu du "behin-behineko" akordioa Seaskak. Horrez gain, Euskararen Erakunde Publikoarekin eta Frantziako Hezkuntza Ministerioarekin hitzarmena sinatzeko negoziaketak abiatuko dituzte hurrengo astean. Azterketak euskaraz egiteko aukera... [+]
Maiatzaren 21ean bidali diote gutuna Elisabeth Borne Frantziako Hezkuntza ministroari Ipar Euskal Herriko sei parlamentariek. Dagoen ikasle kopurua ikusita, ikastoletarako aurreikusi dituzten lanpostuak "aise gutxiegi" direla deitoratzen dute gutunean. Kexua adierazteko... [+]
Herri Urrats jaialdiko hasiera ekitaldian Seaskako zuzendaritzako kide Erik Etxartek salatu zuen Parisek oraindik ez ziela irakasle postu gehigarrien proposamenik egin hurrengo ikasturtera begira. Asteburuan heldu zaie Frantziako Hezkuntza Ministerioaren erantzuna, eta... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Frantziako Hezkuntza Ministerioak oraindik ez dio Seaskari argitu hurrengo urtean zenbat ikasgela eta irakasle izango dituen. Hori dela eta Baionako kaleak betetzera deitu dituzte guraso eta euskaltzaleak. Igandean, Herri Urratsera milaka lagun hurbildu dira beste urte batez,... [+]
Tentsio handiko ikasturtea amaitzear, ostegunean hasi eta ostiralean jarraituriko azken negoziaketa maratoian Eusko Jaurlaritzarekin akordioa sinatu dute sindikatu guztiek, ELAk izan ezik. Datorren asteko grebak bertan behera geratu dira. Segidan, adostu dutena eta batzuek eta... [+]
Ikaslea zenbat eta adinez txikiagoa izan, orduan eta feminizatuagoa da irakasle lana: Haur Hezkuntzan, 10 irakasletik 9 baino gehiago emakumeak dira munduan, Lehen Hezkuntzan %67a eta DBHn %54a. “Kuriosoa da, zaintza oinarri duten beste lan batzuetan (erizainak, erizain... [+]
Seaska Sarean inklusio egoeran dauden 165 ikasleei laguntza bermatzeko hasi dute kanpaina, antolaketa propioa eratuta. Frantziako Hezkuntza Ministerioaren jarrera salatu dute kanpaina aurkezteko prentsaurrekoan, behar bereziak dituzten haurren inklusiorako baliabide... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.