Seaskarekin negoziaketak berrabiarazteko prest azaldu da Frantziako Gobernua
Euskararen Erakunde Publikoak postuen ukapenari buruzko problematika konpontzeko dagokion 140.000 euroko aurrekontua bere gain hartzeko eskatu zion Hezkuntza Ministerioari.
Legebiltzarkideak eta Euskararen Erakunde Publikoko kideak Parisen bildu ziren azaroaren 29an. Bertan, Frantziako Gobernuak kontra egin ezean Seaska finantzatzeko prest daudela helarazi zioten Hezkuntza Ministerioari.
Kazeta.eus-en argitaraturiko elkarrizketan Hur Gorostiaga Seaskako zuzendariak adierazi duenez, “EEPren proposamena onartzeko, Estatua abstenitu beharko litzateke edo gutxienez ez luke kontra bozkatu behar”.
Ikasturte honetarako, 25 postu eskatu zituzten, baina azkenean 20rekin antolatu dute ikasturtea. 20 horietatik, 14,5 Seaskaren gain gelditu ziren, baina elkartearen aurrekontuetan 10 besterik ez dira sartzen. “Postuak ezarri ditugu baina horiek ordaintzeko dirurik gabe, EEPk gainerako 4,5 horiek ordaintzeko dirua eskaini nahi digu”, gaineratu du Gorostiagak.
Hitzarmenaren bidean
Irailean egin ziren bilkuretan Pierre Barrière Akademia Ikuskariak hitzarmena suntsitzeko jarrera erakutsi zuen. Orain, Estatuak beste jarrera bat agertzea espero du Seaskako zuzendariak, “osteguneko bileretan jarrera nahiko baikorra agertu zuten hitzarmenarekiko”.
Hitzarmena izenpetzeko Seaskaren garapena bermatu eta bere izaera onartu behar duela aipatu du Gorostiagak.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.