ARGIA.eus

2020ko maiatzaren 31

Seaskak lur eremu bat erostea erabaki du Ziburuko ikastolarentzat

  • Kaskarotenea ikastola Ziburun mantentzeko 300.000 euroko balioa duen lursail bat erosiko du Seaskak. Herri Urratsen bilduko den dirua erabiliko dute gastu horri aurre egiteko.

Nerea Ibarzabal Salegi @ibarnere
2015eko urtarrilaren 29a
Kaskarotenea ikastola egunean 100 euroko isuna ordaintzen ari zen Marinela gunean jarraitzearren. (Arg: S. Sencristo)

Laida Mujika Ziburuko ikastolako lehendakariaren hitzetan, “ezinbestean” hautatu behar izan dute irtenbide pribatua. “Ez da guk nahi genuena baina ikusita azken urteetan bizi izan duguna, ikusita auzapezaren jarrera, ikusita proposatu ditugun aterabide publikoek ez dutela deus eman, nahi badugu ikastolak bizirik segitzea, hori da hautatu dugun irtenbidea”.

Kaskarotenea ikastola egunean 100 euroko isuna ordaintzen ari zen Marinela gunean jarraitzearren, Guy Poulou Ziburuko auzapezak lekua uzteko agindu zienetik. Argindarra ere moztu zien ikastolako umeei.

Kanpaina abian

Kanpaina zabal bat jarri du martxan Seaskak, eta horregatik urtarrilaren bukaeran eman dute Herri Urrats festaren berri. Bildutako dirua lursailaren gastua estaltzeko baliatu nahi dute, Ipar Euskal Herriko Hitzak jaso duenez.

Dagoeneko bi ekitaldi antolatu dituzte; apirilaren 8an Euskal Herriko Bertsolari Txapelketa Nagusiko finalistek saio bat egingo dute Baionan, eta apirilaren 23an, ostera, Ordiziak eta Hernanik rugby partidua jokatuko dute Ordizian.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ziburuko ikastolaren borroka  |  Ziburu

Ziburuko ikastolaren borroka kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude