2022ko azaroaren 30a
"Bide berri bati" ekin dio Iparraldeko Ikastolen Elkarteak baxoa frogaren ahozko azterketa euskaraz egin ahal izan dezaten ikasleek: auzitegi administratiboan helegitea jarriko du lehen aldiz, Frantziako Estatuko Hezkuntza Ministerioarekin sinatu hitzarmenak horretarako eskubidea ematen diela argudiatuz.
Maiatzaren 23an aztertuko dute Paueko administrazio auzitegian Seaskaren helegitea, Peio Jorajuria federazioko lehendakariak eta Hur Gorostiaga zuzendariak ostegun honetan Baionan azaldu dutenez. Baxoaren froga handia euskaraz egin ahal izatea nahi dute, gaur egun gutxiengo batek baino ezin baitu hori egin, nahiz eta 2019tik "Estatuaren engaiamendua badugun", esan du Jorajuriak.
Jean-Michel Blanquer buru duen Hezkuntza Ministerioak Euskararen Erakunde Publikoarekin (EEP) hitzarmena sinatu zuen azterketak euskaraz egitea ahalbidetzeko, baina Bordeleko erretoretzak oztopatu egin du bide hori baxoaren erreformaren bestelako interpretazio bat eginez, salatu dutenez. Seaskako kideen arabera, ordea, euskarazko azterketak egitea praktikan ez da batere zaila, espezialiate guztietan daudelako euskarazko azterketak zuzentzeko gai diren irakasleak.
"Azterketei buruz hainbat eta hainbat mobilizazio eta elkarrizketa egin ditugu –azaldu du Jorajuriak– eta orain erabaki dugu bide berri bat hautatzea". Herri Urratsen iragarri zuten azterketak euskaraz egin ahal izateko eskubidearen aldeko borrokan pauso gehiago emateko prest zirela. Hala, egun batzuk geroago administrazio auzitegian helegitea jarri dute, eta lehen aldiz auzitegian jomugan izango da Frantziako Hezkuntza Nazionala.
Iruñeko euskalgintzako kolektiboek eta Hizkuntz Eskubideen Behatokiak jarri dute martxan "Udalak nirekin euskaraz" kanpaina, Iruñeko Udalaren hizkuntza eskubideen urraketak azaleratzeko helburuz. Horretarako, herritarrei eskatu diete partekatu ditzatela... [+]
Astelehenean, Eusko Jaurlaritzako Segurtasun Sailak Udaltzaingoko bitarteko agenteen poltsa bat sortzeko (Oinarrizko Eskala eta C-1 Sailkapen Taldea) deialdia argitaratu zuen, azkenaldian udaltzaingoen kidegoan aldi baterako beharrak betetzeko arazoak omen zeudelako.
Atzo argiratu zen Euskal Herriko agintaritzaren aldizkarian Udaltzaingo lan poltsaren inguruko Polizia eta larrialdietako euskal akademiako zuzendari nagusiaren ebazpena. Bertan, kendu egin da aurreko lan poltsan izen emateko baldintzen artean zegoen euskara eskakizuna.
Duela bi hilabete bildu ziren Euskararen Erakunde Publikoa eta Frantziako Hezkuntza Ministerioko ordezkaria, eta brebeta eta baxoa euskaraz egin ahal izateko aukerak negoziatzen jarraitzea adostu zuten. Ordutik, ez da mugimendurik egon ordea. Seaskak giza katea egin du... [+]
Pantailak Euskaraz elkarteak sortu du ekimena, pantailetatik jasotzen dugunak hizkuntza ohituretan “zuzeneko eragina” duela uste baitu. Astebetez euskarazko ikus-entzunezkoak kontsumitzeko eta horretarako dauden zailtasunez ohartarazteko xedea du Pantailaldiak.
