“Presoen herenak baino gehiagok beren etxeetan behar lukete”
Espetxe politikaz eta egiten diren salbuespen legeez gogoeta txostena aurkeztu du Sare euskal presoen eskubideen aldeko mugimenduak. Presoak bigarren graduan blokeatuta eta beren zigorrak osorik betetzera behartuta daudela salatu du mugimenduak, eta azpimarratu du “espetxe-politika normalizatua aplikatuko balitz”, preso horien herena baino gehiago beren etxeetan egongo ziratekeela gaur egun.
“Salbuespen-araubidea da oraindik ere Estatuko botereen jarduera-araua”, dio Sarek. “Euskal presoek aspalditik egon beharko lukete Euskal Herrian, eta horrek esan nahi du beren eskubideak urratzen ari zaizkiela eta indarrean dagoen legeria ez direla betetzen ari”.
Kritiko agertu da baita ere Fiskaltzak eta Espetxe Zaintzako Epaitegi Zentralak erakutsi duten jardunarekin. “Gure ustez, jarduteko modu hori botere judizialaren egituretatik aurrera eramaten ari diren blokeo politikoko estrategia baten zati da, gaizki ulertutako ikuspegi sasi-patriotiko batean oinarritzen dena, eta, jakina, ez du helburu humanitarioekin bat egiten duen espetxe-politikarik bilatzen, eta demokraziatik urrun dauden ikuskera politikoen zordun da”.
Salbuespen legeak berrikusteko eskatu du Sarek, baita lege aldaketak egiteko ere; “adibidez, 7/2003 Legea eta 7/2014 Legea indargabetu behar dira, espetxe-zaintzako epaitegi arruntek espetxe-politika fiskalizatzeko behar diren erabakiak har ditzaten; eta ez, ostera, Auzitegi Nazionaleko espetxe-zaintzako epaitegi zentralak”.
Finean, mugimenduaren hitzetan espetxe politikak bat etorri behar du lege-aginduekin, espetxean dauden pertsonen oinarrizko eskubideekiko errespetuarekin eta Giza Eskubideetan adituak diren Nazioarteko Erakundeek arlo horretan defendatzen dituzten printzipioekin.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]
Datorren larunbaterako, urtarrilaren 11rako, Sare Herritarrak euskal presoen eskubideen aldeko manifestazioa deitu du, beste urte batez, Bilbon. Aukera paregabea da gure herriarentzat elkarbizitzaren bidean aurrera egiteko, hainbat hamarkadatan liskar bortitzetan murgilduta egon... [+]
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
Europar Batasunak presoen zigorren bateratzea erabaki zuen 2008an. Espainiak ez zuen agindu hori bete. Legearen erreforma etorri da, orain. 52 presori eraginen die neurriak. Sare elkarteko kide Mikel Mundiñanok xehetasunak eman dizkigu Metropoli Forala saioan.
Datorren urtarrilaren 11n Bilbon Sare Herritarrak deitutako mobilizazioaren leloa “Behin betiko konponbidea” izanen da, eta urtero bezala milaka lagunen babesa espero du Sarek.
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]