Bidegabekeriaren aurrean ez dela isilduko nabarmendu du Sarek bere hamargarren urteurrenean

  • Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia nabarmendu dute.

Sarek 10. urteurrena ospatu du Donostiako Zuloaga plazan. Argazkia: SARE

2024ko ekainaren 24an - 12:50
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Sare plataformaren hamargarren urteurren ekitaldia Bego Atxa eta Joseba Azkarraga herritar sarearen bozeramaileek aurkeztu dute Donostiako Zuloaga plazan, 2014. urtean ekimena aurkeztu zuten leku berean. Sarek hamar urtetan egin duen bidea eta lortutakoaren balioa nabarmendu dute. “34 urte luze iraun duten urruntze politikek eragindako eskubide urraketari” bukaera eman izana azpimarratu dute eta bidegabekerien aurrean ez direla isilduko agindu.

“Bakeaz eta elkarbizitzaz hitz egiteko garaia” eta “zuzenbidearen eta giza eskubideen garaia” dela azpimarratu du Sarek. Azkarragak adierazi du urte hauetan jende askok euskal presoen egoera asmo politiko hutsez aprobetxatu duela: “Esan genezake krispazio eta blokeo egoeren arrazoi nagusietako bat izan dela, batetik, jada desagertua den indarkeriaren aipamena erabiltzea aldarrikapen politiko partidistetan eta, bestetik, biktimen oinazea asmo politiko partidistarekin baliatzea”. Bozeramaileak “konponbiderako giltzak” dinamika aipatu du, iazko urriaren 21ean Gernikan publiko egin zuten dokumentua, politika-arloko, esparru judizialeko, kultura-arloko eta indarkeria jasan duten pertsonek idatzitakoa. Bertan, euskal presoek “noiz eta nola itzuli behar duten etxera” zehaztea euskal gizartearen esku egon behar duela aldarrikatzen da.

Sarek oraindik lana egiteko dagoela adierazi du, eta beharrezkoa dela “bultzada bat ematea oraindik erbestean eta deportazioan daudenei”. Senitartekoek eta lagunek presoak ikusteko egiten zituzten bidaia luzeez ez ahaztea, presoen eskubideez kezkatzea, Euskal Herrian gertatu diren indarkeria guztien biktimen eskubideez kezkatzea eta arduratzea “hein berean”, eta etorkizuneko belaunaldiei gizarte hobeago bat uzteko erantzukizuna eskatu dute. “Euskal presoen eskubideak urratzen dituzten salbuespenei” amaiera emateko garaia dela adierazi dute. Batez ere, biktimen eta presoen eskubideak bete daitezen, “egia, justizia eta erreparazioa”-ren beharra nabarmendu dute Sareko kideek.

 

“Esan genezake krispazio eta blokeo egoeren arrazoi nagusietako bat izan dela, batetik, jada desagertua den indarkeriaren aipamena erabiltzea aldarrikapen politiko partidistetan eta, bestetik, biktimen oinazea asmo politiko partidistarekin baliatzea"
Joseba Azkarraga

 

Gizartearen erantzunaren garrantzia

2014. urtetik hona euskal gizarteak izan duen garrantzia eta eman duen erantzuna eskertu du Sarek. Gizarteak ahalbidetzen du “helburuak lortzea”, Atxaren esanetan, “dinamizatzeko eta ekimenak proposatzeko lana” eginez. Bidegabekerien aurrean, Sareren indarra euskal gizartearen zati handi batek ematen dion babesa dela azpimarratu du. “Beste etapa batean gaude: motzagoa izango da, ziur, eta oztopoak izango ditu, baina prest gaude horiei aurre egiteko”, adierazi du plataformako kideak.

Sareri eskerrak eman dizkiote herri plataforma eta sindikatu askok –hala nola, LAB, ELA, Steilas edota Esk– azken hamar urteetan egindako lanagatik eta presoen eskubideak errespetatzearen alde izandako konpromisoagatik. Sarek bideo batean jaso ditu sorreratik gaur egun arte egindako ekimenen eta lorpen garrantzitsuenen laburpen bat.

 

 


Kanal honetatik interesatuko zaizu: Sare plataforma
2024-01-15 | ARGIA
Espetxe politikan salbuespeneko arauak desagertzeko exijitu dute 68.000 lagunek Bilbon

Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]


Konponbideari ateak irekitzeko giltzak

Eragile sozial, politiko, sindikal eta norbanako ugarik bat egin dute Sare Herritarrarekin, euskal preso politikoek jasaten duten eskubide urraketari amaiera emateko. Urtarrilaren 13an Bilboko kaleak hartzera deitu dute.


2023-08-21 | Ilargi Manzanares
Sare Herritarrak Auzitegi Nazionalaren jarrera “oztopatzailea” salatu du

Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.


“Salbuespen neurrien aurka” mobilizatzeko deia egin du Sarek Donostiako eta Bilboko jaietan

Espetxe politikaren ondorioz euskal preso politikoen “eskubideen urraketak” ematen direla salatu du Sarek, eta lege arrunta aplikatuz guztiak “etxera bidean” jartzeko unea dela aldarrikatu du. Donostiako manifestazioa abuztuaren 19an izango da, eguerdiko... [+]


2023-08-03 | Ilargi Manzanares
Ainhoa Barbarin presoa espetxera itzularazi dute bigarrenez, hirugarren graduari helegitea jarrita

Sare Herritarrak elkarretaratzea deitu du abuztuaren 4an Urretxun. Epaitegiak euskal presoen eskubideei “boikot” egiten ari direla salatu dute.


2023-06-29 | Ilargi Manzanares
Jose Mari Novoa espetxeratu dute berriro, fiskaltzak hirugarren graduari helegitea jarri ostean

Ekainaren 27ko gauean sartu dute berriro espetxera, Espetxe Zaintzako Epaitegiak hirugarren gradura igarotzeari buruzko helegitea noiz ebatziko duten zain. Orain zenbait hilabetetatik, prozedura aldatu, eta fiskaltzak helegitea jartzen badu, kasua ebatzita egon ala ez, espetxera... [+]


Euskal preso politikoak
Sakabanaketa politika amaituta, etxeratzea helburu

34 urtez luzatu den euskal preso politikoen sakabanatze politika amaitutzat eman dute Etxeratek eta Sarek, ostiralean Espainiako Gobernuak iragarritako bost Euskal Herriratzeekin. Pozez hartu dute berria bi elkarteek, eta iragarri dute orain lanean jarraituko dutela preso,... [+]


2023-01-09 | ARGIA
Bilboko manifestazioaren amaierako adierazpena osorik

Dozenaka mila lagun bildu dituzte larunbatean Bilbon Sare Herritarra plataformak eta Bake Bidea mugimenduak, euskal presoen eskubideen aldeko manifestazioan. Etxera bidea gertu lelopean, salbuespenezko espetxe politika amaitzeko eskatu dute, eta Espainiako eta Frantziako... [+]


Oztopoak euskal presoen hirugarren graduari, Bilboko manifestazioaren atarian

Urtarrilaren hasieran euskal preso politikoen eskubideen alde Bilbon egiten den manifestazioa beti da berezia eskubideen aldeko egutegian, baina aurtengoa bereziki nabarmendu da, besteak beste, dagoeneko sakabanaketaren amaiera irudikatu nahi delako.


2023-01-03 | ARGIA
Presoen etxeratzea “egia bihurtu dadin” urtarrilaren 7an Bilbon mobilizatzera deitu dute Sarek eta Etxeratek

Urruntze politika amaitzear dela sinetsita daude Sare Herritarra plataforma eta Etxerat elkartea. Ildo horretatik bideratu dute urtarrilaren 7an Bilbon egingo den manifestazioaren leloa, Etxera bidean gertu, baita asteartean aurkeztu duten ikur berria ere. Lanean jarraitzea... [+]


Eguneraketa berriak daude