Sara Majarenas aska dezaten eskatzeko manifestazioa egingo dute ostegunean Donostian

  • Ostegunean, arratsaldeko 19:00etan martxa antolatu dute Donostiako Bulebarretik Sara Majarenas presoa aske utzi dezaten eskatzeko. Horrela, bere alabarengandik bereiztea saihestu nahi du Izarrekin Sara Etxera plataformak.

Lukas Barandiaran San Roman
2017ko martxoaren 01a
Osteguneko manifestazioaren deialdia. (Arg.: Izarrekin Sara Etxera)

Egun horretan bananduko dituzte Majarenas eta bere alaba. Majarenasek Picassent, Valentziako kartzelara itzuli beharko du, eta horrek Izarri “bigarren kolpe” bat eragin diezaiokeela uste dute Majarenas askatzearen aldarriarekin bat egin dutenek.

Urtarrilean labanaz eraso egin zion Izarri bere aitak. Ordutik, bere osasun fisikoak hobera egin du, baina martxaren antolatzaileak diote gertatutakoaren “ondorio psikologiko eta emozional larriak” gainditzeko baldintza egokiak eskaini behar zaizkiola haurrari.

Iñaki Barrutia-Arregi haur psikologoak eta Luixa Reizabal EHUko Garapen Psikologikoko irakasleak asteartean egindako prentsaurreko batean esan zuten ezinbestekoa zela Izar bere amarekin bizitzea: "Izar babesik eta segurtasunik gabe sentitzen da orain". Psikologoek azaldu dute bere ama dela Izarren atxikimendu irudi nagusia, lotura afektibo seguruak bermatzen dizkiona eta oinarrizko premia biologiko, afektibo eta kognitiboak asetzen dituena.

Gainera, plataformak oroitarazi du Majarenasek jada zigorraren hiru laurden bete dituela, eta baldintzapeko askatasuna lortzeko baldintzak betetzen dituela.

Kontxi Ibarreta, Izarren amonak bere testigantza eskaini zuen. Hemen bideoa:

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Sara Majarenas kasua  |  Donostia

Sara Majarenas kasua kanaletik interesatuko zaizu...
Eguneraketa berriak daude