Sanferminetan ere, autodefentsa feminista
Eraso matxisten kontrako manifestazioa antolatu du Farrukas eragile feministak, "Beldurra aldez aldatuko dugu! Heteropatriarkatuari intsumisioa!" lelopean, uztailaren 4an, 23:00etan, Iruñeko San Frantzisko plazatik abiatuta.
"Aurten ere kalera aterako gara hemen jarraitzen dugula oihukatzeko, indarkeria matxistei eta hauek sostengatzen dituen sistemari aurre egiteko. Aurten ere argi eta ozen oihukatuko dugu ez garela zuen biktimak izanen,eta ukitzen bagaituzue,defendatuko garela!", adierazi du Farrukas eragile feministak.
Beltzez jantzita joateko eta kaputxa eramateko deiarekin bat, dantza baten koreografia zabaldu dute sare sozialen bidez, parte hartzaileek ikasi eta manifestazio amaieran egin dezaten.
"Kalera aterako gara hemen jarraitzen dugula oihukatzeko, indarkeria matxistei eta hauek sostengatzen dituen sistemari aurre egiteko. Argi eta ozen oihukatuko dugu ez garela zuen biktimak izanen, eta ukitzen bagaituzue, defendatuko garela!". Horra prentsa oharrean adierazitakoa.
Albiste hau Euskalerria irratiak argitaratu du eta Creative Commons lizentziari esker ekarri dugu.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]