ARGIA.eus

2022ko abenduaren 07a

Sanferminetako prozesioan izandako istiluen harira espetxeratutakoa fidantzapean aske utzi dute

  • Sanferminetan Iruñeko Kuria kaleko prozesioan izandako istiluen harira atxilotu eta espetxeratutakoa 6.000 euroko fidantzapean aske utzi dute.

Kuria kaleko istiluen une bat. Argazkia: Ahotsa
ARGIA @argia
2022ko uztailaren 20a - 11:19

Iruñeko hirugarren epaitegiak aske utzi du Sanferminetako prozesioan izandako istiluen harira espetxeratu zuten Mutiloako herritarra. Ahotsa.info hedabideak jakitera eman duenez, abokatuak jarritako helegitea onartu eta fidantzapean utzi dute aske, 6.000 euro ordainduta. Gainera, pasaportea kenduko diote, ezingo da Espainiako Estatuaren mugetatik atera eta hilean behin epailearen aurretik igaro beharko da.

Maria Paz Benito epailearen arabera, kolpea jaso zuen polizia munizipalak lehenago ukabilkada bat eman izanak “ez ditu egozten zaizkion ekintzak aldatzen”. Desordena publikoa eta Udalaren aurkako atentatua egozten dizkiote, eta, epailearen ustez, “erasoaren muinean egon daitekeen motibazioa kontuan hartuta”, gorroto delitua edo gorroto larrigarria ere egon liteke.

Hala ere, “denbora pasa eta festak igaro direnez” delitua berriz egiteko aukerak gutxitzen direla esan du epaileak, eta kartzela ez den bestelako kautelazko neurriak nahikoa izan daitezkeela. Horrela erantzun dio defentsaren abokatuak jarritako helegiteari.

Akusatuak azaldu zuenez, familiarekin joan zen Iruñera, eta Kuria kaleko Prozesioa ikusten ari ziren istiluak hasi zirenean. Ahotsa.info-k zabaldutako irudietan ageri da 130 agenteak ikusten ari zen jende multzo bati ukabilkadaz eraso egin ziola, eta bueltan sudurra hautsi zion kolpea jaso zuela. Mutiloako biztanleak azaldu duenez, bere ama lehen lerroan zegoen, eta “erreakzio instintibo” gisa eman zuen kolpea, agentea zauritzeko asmorik gabe.

 

Kanal hauetan artxibatua: Sanferminak  |  Iruñea  |  Polizia gehiegikeria

Sanferminak kanaletik interesatuko zaizu...
2022-09-06 | ARGIA
Hamar pertsona 12.000 euroko isun banarekin zigortu nahi ditu Iruñeko Udalak, Sanferminetako prozesioko istiluengatik

“Tentsio eta biolentzia giroa sortu” eta “Sanferminetako prozesioan herritarren segurtasuna urratzeagatik” 12.000 euroko isun bana ezarri nahi die Iruñeko Udalak Curia kalean zeuden hamar pertsonari. Horrez gain, liskar horiei lotuta prozesua... [+]


2022-07-24 | Iñigo Satrustegi
Urte berri on!

Txantreatar batek beti aurkeztuko du bere burua txantreatar gisa. Baina uztailaren 6 heltzen denean, o bai, orduan bai, PTV (Pamplona de Toda la Vida) peto-petoak bihurtzen gara.

Sanferminen hasiera
NOIZ: uztailak 6
NON:  Iruñea

PTV on batek uztaila... [+]


Sanferminetan jazotako indarkeria matxista kasuak salatu dituzte

22 salaketa jarri dituzte Sanferminak hasi direnetik. Horietako bat “intentsitate handikoa” izan dela salatu dute uztailaren 12ko mobilizazioan.


2022-07-13 | ARGIA
Ukabilkada jaso zuen udaltzaina ukabilkada ematen lehena izan zela frogatzen du bideo batek

San Fermin eguneko prozesioan Iruñeko Curia kalean sortutako istiluen ondotik, zortzipertsona atxilotu zituzten Iruñeko Udaltzaingoak eta Espainiako Poliziak. Horietako bat espetxera bidali du epaileak, ustez udaltzain bati ukabilkadaz sudurra haustearren;... [+]


2022-07-13 | ARGIA
Espetxeratu egin dute Iruñeko istiluengatik atxilotuetako bat

San Fermin eguneko prozesioan udaltzain bati ukabilkada bat ematea leporatzen dio Mari Paz Benito epaileak. Beste zazpi atxilotuek astero sinatu beharko dute epaitegian.



Irakurrienak
Argia buletina
Egunaren laburpena
zure e-postan
Eguneraketa berriak daude