Salvini gabeko gobernua osatzeko akordioa lortu dute Italian M5S-k eta Alderdi Demokratak
Sergio Mattarella Italiako presidenteak gobernua eratzeko eskatu dio Giuseppe Conte lehen ministro ohiari, Bost Izarren Mugimenduaren eta Alderdi Demokrataren arteko akordioa eta gero.
Italiako Gobernua dinamitatu ostean, Luigi di Maioren Bost Izarren Mugimendua eta Matteo Renzi lehen ministro ohiaren Alderdi Demokrata gobernu alternatiboa eratzeko akordiora iritsi dira. Giuseppe Conte independienteak jarraituko du lehen ministro izaten.
Matteo Salvini Lega alderdi ultraeskuindarraren buruzagia Gobernu berritik kanpo geratu ostean, inkestetan galtzaile nagusi gisa atera da; Salvinik irabazi zituen joan den urteko hauteskundeak, bozen %37,25ekin. Egoera hala, manifestazio erraldoia deitu du Salvinik.
Italiako Gobernua desegin zenetik, Sergio Mattarella presidenteak akordio batera iristeko eskatu zien alderdiei, beste hauteskunde batzuk saihesteko. Azkenean Bost Izarren Mugimenduaren eta Alderdi Demokrataren artean sinatu dute akordioa, baina negoziazio prozesua luzea izango dela uste da, ministerioen banaketan desadostasunak baitaude.
Interneten zabaldutako bideo batean, Matteo Salvinik gobernu berria gaitzetsi du, eta bere “desira okerrenak” eskaini dizkie. Salvinik 2018an gobernua eratu zutenetik Luigi di Maiok baino protagonismo handiagoa hartu zuen, eta bere politika gogorragatik eta adierazpen publikoengatik, hazi egin da bere ospea; azken inkesten arabera, hauteskunde berriak egin ezkero bozen %40 lortuko luke Salvinik.
1991n Alpeetan Ötziren gorpua aurkitu zutenetik, egoera oso onean kontserbatutako 5.000 urteko arrastoak ikerketa asko egiteko erabili dituzte. Hasieratik arreta eman zuten azalean zeuzkan 61 tatuajeek. Adituek uste zuten tatuaje horiek azalean ebaki txikiak eginda eta,... [+]
Venezia, 1459ko apirilaren 24a. Fra Mauro monje eta kartografoak bere munduko mapa amaitu zuen San Michele de Murano monasterioan zeukan kartografia tailerrean. Portugalgo errege Alfontso V.aren enkarguz egin zuen lan hura, eta, mapa amaitu bezain pronto, Portugalera bidali... [+]
2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]
Paduako (Italia) unibertsitateko ikerlari talde batek Iranen 2001ean aurkitutako harrizko ontzi txiki bat aztertu du. Zehazki, flasko barruan zeuden arrastoak aztertu dituzte, eta hainbat osagai dituela ikusi dute: hematita xehetua –kolore gorri biziko mineral... [+]
Erroma, 1215eko apirila. Laterango IV. Kontzilioan, Eliza Katolikoak apaiz eta monjeei kirurgia egitea debekatu zien, besteak beste. Aurreko kontzilioetan ere, Reimsen eta Toursen, gaia landu zuten, lekaideek soilik arimak salbatzeaz arduratu behar zutela eta gorpuen salbazioa... [+]