Saharako Errepublikaren 46. urteurrenean NBEri eskatu diote agindutako erreferenduma egiteko
Sahararen aldeko Nafarroako mugimenduak otsailaren 27an elkarretaratzea egin du Iruñean, eta Espainiako Estatuari exijitu dio aitortzeko Saharako Errepublika Arabiar Demokratikoa (SEAD), hura aldarrikatu zutenetik 46 urte pasa diren egunean.
Hamarnaka lagun elkartu dira Iruñeko kaleetan SEADen 46. urteurrenaren harira; Fronte Polisarioak 1976ko otsailaren 27an aldarrikatu zuen Saharako Errepublika Arabiar Demokratikoa. Bi eskakizun nagusi egin dituzte Sahararen aldeko Nafarroako mugimenduko kideek, igandean, Ahotsa.info atariak jaso duenez: Nazio Batuen Erakundeak agindutako autodeterminazioaren erreferenduma gauzatzeko, eta Espainiako Estatuak SEAD aitortzeko. Egun, nazioarteko 45 estatuk dute onartuta SEAD.
Halaber, salatu dute Marokok alde bakarretik hautsi zuela su-etena 2020ko azaroan, eta, "urtetako borroka baketsuaren ondoren", oraindik segitzen duen gerra abiatu zuela. Gatazka horri buruz gehiago jakiteko, irakurri Andoni Lubaki fotokazetariak 2020ko abenduan ARGIAn kaleratutako erreportajea: "Utzikeria eta traiziaren ondorio".
Ahotsa.info-k bideo honetan bildu ditu igandeko elkarretaratzearen irudiak eta amaierako irakurketa:
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]
Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.