S.A. talde gasteiztarraren kontzertua, ultraeskuinak mehatxatuta
Soziedad Alkoholika talde gasteiztarrak kontzertua eskaini behar du martxoaren 23an, ostiralean, Valladoliden.
Taldeak, ohikoa duen legez, ehunka lagun biltzekoa da Lava aretoan, baina baliteke ez ohiko bisita bat izatea. Ultraseskuinarekin erlazionatutako hainbat eragilek -Democracia Nacional, tartean- elkarretaratzea deitu dute aretoaren kanpoaldean.
Azken orduetan elkartasun mezuak iritsi zaizkio sarean S.A. taldeari, zentsura salatuz eta ultraeskuindarren mehatxuak gaitzetsiz. Jimmy Jazz aretoak, adibidez, elkartasuna adierazteaz gain, apirilaren 21ean Gasteizko aretoan egongo direla gogoratu du.
Ez da lehenengo aldia
2015ean, adibidez, Madrilgo Vistalegren eskaini behar zuten kontzertua bertan behera geratu zen, Madrilgo Udalak hau debekatu ostean. Zenbait abestiren hitzak jarri zituzten kontzertua debekatzeko aitzakia gisa. Eta, ezin ahaztu Su Ta Gar, Fermin Muguruza edota Berri Txarrak taldeek ere antzerako debekuak jasan dituztela.
Albiste hau Hala Bedi Irratiak argitaratu du eta CC-by-sa lizentziari esker ekarri dugu ARGIAra.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Martxoaren 20an ia ehun pertsona bildu ziren Azpeitiako San Agustin Aretoan Hedoi Etxarteren (Iruñea, 1986) hitzaldia entzuteko: “Faxismoa, gaur eta hemen”. Munduan, Europan eta Euskal Herrian ere modan dira eskuin muturra eta honen bultzada, gero eta sarriago gainera, ukitu zibilizatuaren atzean gordetzen dena. Hemen hitzaldiaren laburpena eta gure webgunean osorik bideoan.
Giulino di Mezzegra (Italia) 1945eko apirilaren 28a. Benito Mussolini diktadore faxista eta Clara Petacci maitalea fusilatu zituzten, Suitzara ihesi zihoazela partisano komunista talde batek atzeman ondoren.
Francisco Franco fundazioak Vox alderdi ultraeskuindarra ekonomikoki bultzatzen duela agerian geratu ostean, galdera automatikoki pizten da: nondik ateratzen du dirua Espainiako diktadore faxista goresten duen elkarte horrek? Azken hamarkadetan erakunde publikoetatik jaso dituen laguntzak dira finantzazio iturrietako bat.
.jpg)
ARGIA-k eta Azpeitiako Elkar-ekin taldeak elkarlanean antolatuta, "Faxismoa gaur eta hemen" hitzaldia eman zuen martxoaren 20an Hedoi Etxartek San Agustin Kultur Gunean. Hemen duzue hitzaldia osorik ikusgai.
Islamofobiaren Kontrako Musulmanak elkarteak Bizkaiko fiskaltzan salaketa jarri du Yolanda Couceiroren kontra, immigrazioaren eta Islamaren inguruan egindako adierazpenengatik. PPk bere zerrendetan hautagai izatea eskaini dio Portugaleten jaiotako ultraeskuindarrari.
Martxoaren 14an urtea bete da Marielle Franco feminista eta giza eskubideen aldeko ekintzailea Rio de Janeiron tiroz hil zutela. Hain justu, astelehenean atxilotu dituzte lehen bi susmagarriak, polizia militar ohiak biak, galdera ugari erantzuteke dituen ikerketaren barruan. Atxilotuetako batek Jair Bolsonaro presidente ultraeskuindarraren familiarekin lotura izateak gobernua ataka baten sartu du.
Hogar Social mugimendu neonazi espainiarra alderdi gisa erregistratu da eta Espainiako Estatu osoan zabaltzeko asmoa dauka ElDiario.es-ek argitaratu duenez. Otsailaren 28an egin zuen eskaera Espainiako Barne Ministerioan alderdi gisa erregistratzeko eta aipatutako hedabide digitalak baieztatu ahal izan duenez, legeztatuta daude dagoeneko.
Astelehenean autobusarekin Bartzelonatik ibiltzea zeukan aurreikusita Hazte Oir eskuin muturreko elkarteak. Pertsona talde batek hiriaren sarreran autobusari bidea moztu eta feminismoa nazismoarekin lotzen zuen grafismoa kendu dio.
Mato Grosso do Sul estatuak irudikatzen du Jair Bolsonaro ultraeskuindarrak Brasilen ezarri nahi duen nazio asmoa. Soja eta okelaren esportatzaile nagusi izaki, beste inon baino bortitzagoak dira hemen lurraren erabileragatiko borrokak, zeinetan talka egiten duten alde batetik milaka urtez bertan bizi izan diren jatorrizko biztanleek eta kolonialismoak ekarritako beltz eta nekazari txiroek, eta bestetik agro-industriarekin aberasten diren lur harrapatzaile handiek.
“Independentismo katalanak faxismoa itzarri du”. Esaldi bakarrarekin, nola zuritzen diren jarrera batzuk, nola banatzen diren ardurak: faxismoa indar naturala da, lo arina duen dragoi bat, Katalunia aldeko aldarrikapen neurrigabeek zirikatu dutena. Gauzak nola kontatzen diren.
