Rubialesek dimititu egin du, baina bere “errugabetasuna” defendatuta
Espainiako Futbol Federazioko presidente eta UEFAko presidenteak adierazi du bere aurkako prozedurak ikusita "argi" dagoela ezin izango duela kargura itzuli eta luzatzeak ez duela ezer onik ekarriko.
Luis Rubiales Espainiako Futbol Federazioko presidente eta UEFAko presidenteak dimititu egin du. Piers Morgan aurkezle britainiarrak egindako elkarrizketan adierazi du. Ondoren, sare sozialetan zabaldu du bere dimisioaren testua. Bere "ohorea" eta "errugabetasuna" defendatuko dituela argudiatu du, eta "fedea" daukala "etorkizunean" eta "egian".
Luis Rubialesek ezpainetan musu eman zion Jenni Hermoso Espainiako Selekzioko jokalariari, taldeak Munduko Txapelketa irabazi ondoren. Musua bere borondatearen kontra eman ziola ziurtatu zuen jokalariak, eta presidente ohiaren aurkako hainbat prozedura jarri zituzten martxan. Alde batetik, FIFAk 90 egunerako kargugabetu egin zuen. Horrez gain, Espainiako Kirol Auzitegi Administratiboak "larritzat" jo zuen Rubialesen jarrera. Joan den ostiralean, berriz, Fiskaltzak sexu erasoagatik kereila jarri zion.
Bere aurkako prozedurak ikusita, Rubialesek onartu du "argi" dagoela ezin izango duela kargura itzuli, eta zain jarraitzeak ez duela ezer "positiborik" ekarriko, "ez Federazioari, ezta Espainiako futbolari ere". Azpimarratu du ez duela Espainiako futbola kaltetzerik nahi "neurrigabeko kanpaina" honen ondorioz.
Rubialesek ez zuela dimitituko adierazi zuen abuztuaren 25eko Ezohiko Batzar Nagusian, eta bere hitzak txalotu zituen Jorge Vilda selekzioko hautatzaileak. Batzar berean, Rubialesek Vildari soldata igoera agindu zion, zehazki, 160.000 euro kobratzetik 500.000 euro kobratzera igaroko zen lau urtean. Joan den astean, ordea, federazioak kargugabetu egin zuen hura ere. Rubialesen presidentetzan iritsi zen Vilda hautatzaile kargura.
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Osteguneko lehen minutuetan jazo dira gertaerak Mina del Morro inguruan, Santutxu auzoan, 00:20 orduak aldera, eta ustez, 34 urteko gizon batek 31 urteko bikotekidea hil du.
Hondarribiko jai egun handian, Alarde tradizionalak eta Jaizkibel konpainia parekideak bat egin behar zuten lehen aldiz abiapuntuan, baina argazki hori saihesteko, tradizionaleko konpainia guztiak berandu joan dira hasiera puntura. Plantoak planto, ordea, lehen aldi ugari bizi... [+]
76 urteko emazteak zauri larriak ditu. Eusko Jaurlaritzako Segurtasun Sailak adierazi duenez, ostiral goizaldean egin dio eraso eta Ertzaintzak senarra atxilotu du emaztea hiltzen saiatzeagatik.
Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak... [+]
Emakumeen Aurkako Indarkeriaren Bilboko bi Epaitegiek neurri hori onartu dute. Bilboko epaile dekano Aner Uriartek neurria emakumeak babesteko eta ez birbiktimizatzeko helburuarekin hartu dela esan du, baina Bilboko Abokatuen Elkargoak salatu du kolokan jartzen dituela ikertuen... [+]
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Ertzaintzak 27 urteko gizon bat atxilotu du Donostian, abuztuaren 18ko goizaldean, Aste Nagusiko azken gauean, Parte Zaharrean emakume bati sexu erasoa egitea egotzita. Eraso matxista horrez gain, beste batzuk ere publiko egin dira hirian azken asteotan, eta horiek guztiak... [+]
Bilboko epaile dekano Aner Uriarteren arabera neurria “nor den nor” identifikatzeko eta emakumeak babesteko eta ez birbiktimizatzeko da. Bizkaiko Abokatuen Elkargoak salatu du ez direla errespetatzen errugabetasun printzipioa eta “duintasuna”.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.