Robinho futbolariarentzat bederatzi urteko espetxe zigorra, taldean neska bat bortxatzeagatik
Italiako Apelazio Auzitegiak berretsi egin du Milango auzitegi batek 2017an Robinho futbolari brasildarrari jarritako espetxe zigorra: bederatzi urte, 2013ko urtarrilean Milango diskoteka batean neska bat taldean bortxatzeagatik.
Sei gizonek egin zioten eraso neskari. Robinhoren adiskide Rivardo Falcok zigor bera jaso du: bederatzi urteko espetxe-zigorra eta 60.000 euroko isuna. Robinhoren abokatuek 45 eguneko epea dute Kasazio-Auzitegian helegitea aurkezteko.
2013an Milan taldean jokatzen zuen 37 urteko futbolariak. Beste denboraldi bat eman zuen han. 2014an Brasilgo Santos klubak fitxatu zuen, 2015ean Txinako Guangzhou Evergrandek, 2016an Brasilgo Atlético Maneirok, 2018an Sivasspor turkiarrak, 2019an Istanbuleko Basaksehir-ek eta 2020an berriro Santosek. Tartean neska bat bortxatzeagatik zigortua izan zen, baina golak sartzen jarraitzen zuenez...
Santosek, non jokalaria idoloa den, 2020ko urrian kontratatu zuen. Sei egunera eten zuen akordioa, baina ez bortxaketa delituarekin lotuta, klubak egoera ekonomiko kaxkarra bizi zuelako baizik. Gaur egun talderik gabe dago Robinho.
Lehenago ere, 2009an, Ingalaterrako ligan ari zenean, Poliziak bere aurkako ikerketa abiatu zuen, Leeds hiriko klub batean ustez neska bat bortxatu zuelako. Galdekatu ostean, baina, fidantzapean aske laga zuten, eta kasuak ez zuen aurrera egin.
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]