“Rider”-ak EAEko ostalaritzaren esparru akordioan sartu dira
Ekainaren 28an sinatu dute akordioa ELA eta LAB sindikatuek, Euskal Autonomia Erkidegoko patronal nagusiak, Euskadiko Ostalaritza Federazioak eta Confebaskek. Hitzarmenean sartzeak APP bidezko ostalaritzako banatzaileen lan-baldintzak hobetzeari emango dio bide.
Plataforma digitalen bidez ostalaritzako establezimenduetan janaria banatzen duten langileak EAEko Ostalaritzako Esparru Akordioan sartu dira. Hemendik aurrera, Rider-en lan baldintzak ostalaritzako hitzarmenari jarraituz arautuko dira. Akordioa ELA eta LAB sindikatuek, Euskal Autonomia Erkidegoko patronal nagusiak, Euskadiko Ostalaritza Federazioak eta Confebaskek sinatu dute ekainaren 28an.
LAB sindikatuaren arabera, akordio horrekin, Riderrak hirugarren kategoria edo taldean txertatuko dira. Soldata arautua izango dute, urtean 18.700 eta 21.500 euro bitartekoa —lanaldi osoa eginez gero—, eta 1.723 eta 1.750 ordu arteko lanaldia. Subrogaziorako eskubidea ere emango zaie, eta beren lanari egokitzen zaion erregulazioa txertatuko da, “langileen babesa handitzeko”.
Hitzarmen hau onartuta, beste akordio batzuk aplikatzeko aukera ere baztertzen da. Horrela, Bizkaiko Supermerkatuetan Etxez Etxeko Banatzaileen Hitzarmena edo Estatuko Mezularitza hitzarmena ezin izango zaizkie APP bidezko banatzaileei aplikatu.
ELAk akordioa aurrerapausotzat jo du: "Esplotaziorako arrisku handia duen talde baten prekarizazioari aurre egiteko bide delako". Sindikatuak gutxieneko soldatak hilean 1.200 eurotik gorakoak izatea bultzatuko du. ELAk adierazi du egoera horren aurrekaria supermerkatuetan erosketak banatzen dituzten langileentzat gehiengo osoarekin sinatu duen lehenengo hitzarmena dela.
Aurreko saiakerak
LAB sindikatuak Riders x Derechos taldearekin batera hasitako eskaeren harira heldu da akordioa. Riderren lana 2018an zalbaldu zen lehen aldiz Espainiako Estatuan, eta ordudanik, “autonomo faltsu” hauen lan-baldintza prekarioak salatzeko hainbat saiakera egin dira. 2020ko irailaren 23an Auzitegi Gorenak ebatzi zuen Riderrak plataforma digitalekin lotzen dituen harremana lan-arlokoa denez, langile horiek enpresako soldatapekoak direla, eta ez autonomoak.
Udako opor hauetan ez dira gutxi izango Andaluziako eguzki eta ur epel bila doazen euskal herritarrak. Kontrako bidea egin zuen Ana Geranios (San Pedro Alcántara, Andaluzia, Espainia, 1988) kazetari eta idazleak martxo amaieran, Euskal Herrira etorri baitzen Costa del... [+]
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.
Foruzaingoaren esanetan, ezbeharra gertatu den lekuan bertan hil da 50 urteko langilea. LAB sindikatuaren zenbaketaren arabera, urte honetan dagoeneko 21 langile hil dira beharrean ari zirela.
Langile bat hilik topatu dute astearte goizean Laudioko Bebidas Serrano enpresan. Osalanek adierazi du hipotesi nagusia gizonak bihotzeko bat izan duela dela. Istripu honetan hildakoarekin, 2025ean 19 langile hil dira jada lan istripuetan.
Zenbait urtetatik hona sarri entzuten dugun kontzeptua da zaurgarritasuna. Gaur gaurkoz, diskurtso politikoetan pertsona zaurgarriez aritzea ohikoa da. Seguru nago nik ere inoiz erabili dudala berba hori Bizilan.eus webgunean, eskubide laboralak eta prestazio sozialak azaltzeko... [+]
Ekonomialariei asko gustatzen zaizkie merkatuen jokabideak adierazten dituzten grafikoak, kurbak alegia. Deigarria egin zait zentzu horretan Pluralistic webguneko “The future of Amazon coders is the present of Amazon warehouse workers” artikuluan (Amazonen... [+]