22 milioi eurora arteko diru-mugimenduak aurkitu dituzte Suitzako banku batean, Luis Barcenas PPko senatari eta diruzain ohiaren izenean, hedabideek asteazkenean jakinarazi zutenez. Bera da, gainera, Dresdner Bank bankuko beste lau konturen onuradun nagusia. Azken orduetan jakin ahal izan dugu Mariano Rajoy Espainiako presidentearen izena ageri dela Dresdner bankuak egindako txostenetan, eta 20 urtetan PPk gainsoldatak ordaindu zizkiela diru beltzean alderdiko goi-karguetako batzuei.
Mariano Rajoyren izenaren alboan, Luis Fraga PPko fundatzailearen iloba eta senatari ohiaren izena ageri da Dresdner bankuaren 2005eko dokumentuetan, baita Internet Saludigital elkarteko presidente Jose Ramon Varelarena ere. Beste hainbat erakunderi ere egiten zaio erreferentzia txostenean, tartean Atlantikoko Autopisten emakidadun AUDASAri, La Moraleja izeneko higiezinen enpresa bati eta Padel Set sozietate mugatuari.
Bestalde, El Mundo egunkariak gaur jakinarazi duenez, PPko goi karguek diru beltza jaso dute 20 urtetan gainsoldata bezala. PPren egoitza nagusiak hilean 5.000 eta 15.000 euro arteko kopuruak zituzten gutun-azalak banatzen omen zituen alderdiko idazkari exekutibo, kargu publiko eta aparatuko beste kide batzuen artean. Hernández Mancha, Fraga, Aznar eta Rajoyrekin gertatu da hala, 2009ra bitartean. Egunkariak dioenez, dohaintzetatik, eraikuntza-enpresei kobratutako komisioetatik edota segurtasun enpresetatik zetorren. Victoria Prego El Mundoko zuzendari albokoak "antolatutako ustelkeria masibo" gisa definitu du gertatutakoa.
Mundakako alkatea Mikel Bilbao zen gertaerak deskribatzen diren garaian, 2019 eta 2020an, eta EAJko herriko Uri Buru Batzarrak presioa egin zion aurreko udalak kontratatutako zerbitzu juridikoak berriz kontratatzeko. Udaleko idazkariak kontratazio horren aurkako txostena egin... [+]
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]