“Inoiz ez bezalako giza hondamendia” Gazan, Nazio Batuen arabera
Gutxienez 2.750 palestinar hil dituzte Israelen bonbardaketek, eta 10.000 zauritu. Hondakinen azpian desagertuta daude gutxienez 1.000 palestinar. Gazatik Egiptora igarotzeko pasabide bat irekiko dutela iragarri du Anthony Blinken AEBetako idazkariak, baina soilik laguntza humanitarioa sartzeko eta atzerriko pasaportea duten herritarrak ateratzeko. Ireki denik ukatu dute Hamasek zein Israelek.
Gazako ospitaleak ziurrenik argindarra izateko erregairik gabe geldituko dira “ordu batzuen buruan”, Nazio Batuen Erakundeek ohartarazi dutenez. Israelgo armadak astebete darama Gaza bonbardatzen, eta palestinarren aurkako genozidioa salatu dute Hamasek nahiz Palestinako Aginte Nazionalak: gutxienez 2.750 pertsona hil eta 10.000 zauritu dituzte, eta suntsitutako eraikinen azpian desagertuta daude beste 1.000, Al Jazeerak jaso duenez. NBEk dio “inoiz ez bezalako giza hondamendia” dela Gazakoa.
Erabat setiatu du Gaza Israelek, eta bertan bizi diren ia bi milioi palestinar ur, elikagai zein argindar hornidurarik gabe daude. Gazatik Egiptora igarotzeko pasabide den Rafahko igarobidea ere itxita dago, baina AEBko Israelgo enbaxadaren arabera pasabidea irekiko lukete astelehen goizean. Egiptoko aldean zain daude kamioiak eta anbulantziak laguntza humanitarioa sartzeko, eta Gazako aldean ehunka pertsona daude muga irekitzeko zain, Al Jazeerak kontatu duenez. Pasabidea soilik irekiko litzateke atzerriko pasaportea duten pertsonak ateratzeko, palestinarrak direnek ezingo lukete irten.
Halere, Hamasek eta Israelek ezeztatu egin dute Rafahko pasabiderik ireki denik, eta su-etenik dagoenik ere. Izan ere, Reuters berri agentziak eta Israelgo hedabideek zabaldu dute AEBek, Egiptok eta Israelek akordioa egin dutela laguntza humanitarioa sartu ahal izateko su-etena egitea, baina halakorik ukatu dute bi aldeetako agintariek. Israelgo ministro ugari Rafahko pasabidea irekitzearen aurka agertu dira, esanez haien babesa eta laguntza hildako eta bahitutako israeldarren familientzat dela, eta ez “Hamaseko hiltzaileentzat eta haiek lagundu dituztenentzat”.
Lurreko ofentsibarako prest
Hamasek bahituta dituen israeldarrak 199 dira, Israelgo Armadaren azken eguneraketaren arabera. Hamasek pertsona horiek erabili nahi ditu, besteak beste, preso palestinarrekin trukatzeko. Horren aurrean, Israelen erantzuna izan da esatea Gaza bonbardatzen jarraituko dutela “bahituak askatu arte”.
Aireko erasoaz gain, Israelek iragarri du lurreko ofentsiba ere hastekotan direla, eta “hurrengo faserako” prest daudela. Ostiralean Israelek Gaza iparraldeko biztanle guztiei –milioi bat palestinar inguru– bertatik alde egiteko mehatxu egin zien, egun bateko epea emanez. NBEk ohartarazi zuten “ezinezkoa” dela halako lekualdatzerik egitea, eta “nazioarteko zuzenbidea” betetzeko eskatu zion Israeli, nahiz eta berretsi duten Hamasen aurrean “defendatzeko eskubidea” dutela. Hamaseko ordezkariek ere Gazako herritarrei esan zieten euren etxeetan geratzeko, eta Israelen mehatxuari erantzun zioten esanez palestinarrek ez dutela euren lurraldea “inoiz utziko”.
Igande arratsaldean irten da Bartzelonako portutik Palestinaren aldeko inoizko ontzidirik handiena: 30 itsasontzi inguru eta 300 bat ekintzaile, Gaza helburu, blokeoa apurtu eta genozidioa salatzeko. Bidean ontzi gehiago batuko zaizkie Mediterraneoko hainbat portutatik. Gauean... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Hainbat lagun errepidera atera dira Palestinako banderak eta Gazako genozidioaren aurkako mezuak eskuan, eta Israelgo taldeko txirrindularien taldekako asteazkeneko erlojupekoa oztopatu dute. Etaparen ondoren argitaratutako ohar batean, taldeak manifestarien "ekintza... [+]
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Turingia estatuko Auzitegi Gorenak ebatzi du Buchenwald konzentrazio esparruko memorialak eskubidea duela kufija daraman edonori sarbidea ukatzeko, "judutar ugariren segurtasuna" arriskuan jarri baitezake.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]