ARGIA.eus

2020ko maiatzaren 31

Putinek presidente izaten jarraituko du, botoen %76 lortu ostean

  • Vladimir Putinek irabazi ditu Errusiako hauteskundeak. Inoizko babesik handiena jaso du eta 2024 arte egongo da postuan.

Miren Osa Galdona @Mirentx_U
2018ko martxoaren 19a

Aurreikuspenak bete dira Errusian: Vladimir Putinek presidente izaten jarraituko du datozen sei urtetan. Boto emaileen hiru laurdenak bere hautagaitza babestu dute, eta jaso duen babes zabala izan da ezusteko nagusiena: botoen %76,67 bereganatu ditu eta abstentzioa jaistea lortu du. Hala ere, parte hartzea azken hauteskundeetan baino txikiagoa izan da, %67,47koa.

Parte hartzea izan da Putinen kezka nagusia hauteskunde hauetan: garaipena ziurtatuta zuela jakinda, herriaren babesean jarri zuen fokua. Botoen %70 baino gehiago lortzea jarri zuen helburutzat; %76 lortuta, aise gainditu du jarritako langa. Aspaldion egin den hauteskunde kanpainarik gogorrena izan dela nabarmendu du eldiario.es-ek eta horrek ere zerikusi zuzena izan duela. Errusiako bazter guztiak Putinen aldeko mezuz bete baitzituzten.

Pável Grudinin izan da bigarren, %11,79rekin, eta Vladímir Zhirinovski hirugarren, %5,66rekin, hauteskunde batzordeak emandako datuen arabera. Putini itzala egitetik urruti egon dira gainontzeko hautagai guztiak. %90eko babesa gainditu du bost eskualdetan, Krimean esaterako. Lehen aldia izan da Krimeak Errusiako hauteskundeetan parte hartu duela. Mosku edo San Petesburgo bezalako hiri nagusietan %70eko langa gainditu du.

Hogei urte beteko ditu Kremlinean Putinek agintaldi berrian. Indar berarekin jarraituko duela lanean nabarmendu du emaitzak jakin berritan eta azken urteetan egondako baldintza zailen lorpenen aitortza izan dela adierazi du. “Konfiantza eta itxaropena ikusten ditut. Indar berarekin jarraituko dugu lanean, ardura berarekin eta emaitza hobeekin”, berretsi du presidenteak.

 

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Errusia

Errusia kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude