Puigdemontek PDeCATekin apurtu du ofizialki
Alderdia utzi du Kataluniako Generalitateko presidente ohiak. Junts Per Catalunyako goi kargu gehiagok ere erabaki berdina hartu dute. JxCat eta PdeCAT alderdien arteko harremana “adeitsua” izan dadin lan egingo duela adierazi du Puigdemontek.
Astelehenean jakinarazi du Carles Puigdemontek Alderdi Demokrata Europar Katalaneko (PDeCAT) kide izateari utzi diola, Twitter bidez: “David Bonvehi PDeCATeko presidenteari jakinarazi berri diot zuzentzen duen alderdia uzteko erabakia hartu dudala. Lan egiten jarraituko dut, Junts per Catalunyako presidente gisa, bi alderdien arteko harreman adeitsua mantentzeko”. Urrats horrekin Convergencia i Unio (CiU) zenaren espazio politikoan agerikoa zen hausturak forma ofiziala hartu du.
Acabo de comunicar a David Bonvehí, president del Pdecat, la meva decisió de donar-me de baixa del partit que presideix. Continuaré treballant, ara com a president de @JuntsXCat, per mantenir una relació cordial entre les dues formacions.
— Carles Puigdemont (@KRLS) August 31, 2020
Pugidemontek berria iragarri eta ondorengo orduetan JxCat eta PDeCATeko goi kargu gehiagok erabaki berdina hartu dutela jakinarazi dute. Besteak beste, Meritxell Budó Gobernuko presidente eta bozeramaileak, Damià Calvet presidente kontseilariak, Miquel Buch Barne kontseilariak, Jordi Puigneró Politika Digitalen kontseilariak, edo Míriam Nogueras Espainiako Kongresuko diputatuak utzi dute PDeCAT, JxCaten lan egingo dutela azalduz.
Barne tentsioak eta posizio politiko aldenduak aspaldikoak dira CiUren espazio ohian, baina azken hilabeteotan gora egin dute. Uztailean ordura arte hautagaitza zen JxCat alderdi politiko bihurtu zuten, Puigdemont hautatuz presidente posturako. PDeCAT auzitara jo du JxCaten aurka markaren erabilera legez kanpokoa egin dutela iritzita.
Valentziako Hezkuntza Kontseilaritzak 16 hizkuntzetatik bederatzitan murrizketak jakinarazi dizkie Hizkuntza Eskola Ofizialei, eta euskal hizkuntza da okerren geratu dena.
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]
Sindikatuek eta hizkuntzaren aldeko erakundeek "atzerakoia eta diskriminatzailea" dela esan dute eta mobilizazioak iragarri dituzte. Sakon landu dute gaia La Directan.
Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".