Puigdemont irudikatzen zuen panpin bat erre eta tirokatu dute Andaluziako Coripe herrian

  • Gertakaria “gorroto delitu” dela adierazi du Junts per Catalunya alderdiak, eta salaketa jarriko duela aurreratu. Generalitateak ere auzitara joko duela iragarri du.

Argazkia: @miquelstrubell -ek sareratutako ekintzaren bideoko uneetako bat

2019ko apirilaren 23an - 11:11

Asteburuan jaso da gertakaria. Coripen (Andaluzia) kalejira egin zuten Puigdemont irudikatzen zuen panpinarekin, jendeak honen kontrako irainak airatzen zituen bitartean. Kalejirari amaiera emateko, panpina zintzilikatu, erre eta tirokatu egin zuten. Sarean hedatutako irudietan antzeman daitekeenez, panpina Udaltzaingoaren autotik atera zuten.

 

Gertakariaren aurrean Puigdemontek hitza hartu eta ekintza gaitzetsi du. Halakoek indarkeria bultzatzen dutela azpimarratzeaz gain, ekintza herriko agintarien onespenarekin egin dela salatu du: "Ez da gutxiengo baten ekintza izan. Ekitaldi ofizial bat izan da. Herriko agintari sozialistek onartutako eta udaltzaingoaren parte hartzearekin egindakoa".

Junts per Catalunyak “gorroto delitutzat” jo du gertakaria, eta salaketa jartzeko asmoa agertu. Quim Torra Generalitateko presidentea ere mintzatu da jazoeraz, eta auzitara joko dutela jakinarazi du.

Coripeko alkate Antonio Perez sozialistak, aldiz, normaltzat jo du gertakaria. Puigdemonten panpinak gaizkia irudikatzen zuela adierazi du, eta aurretik “politikari eta bankari ugari” eta “baita arabiarrak ere” jo-puntutzat hartu izan direla esan.


Kanal honetatik interesatuko zaizu: Eskuin muturra
Cuelgamuroseko indusketetan eskuin muturraren presio eta sabotaiak salatu dituzte auzitegi-medikuek

Madrilgo Cuelgamurosen, Erorien Harana deituriko monumentuan arkeologoak egiten ari diren indusketetan etengabe ari dira jasaten eskuin muturreko jendeen presioa, hala adierazi du Pako Etxeberria auzitegi-medikuak. Egunotan, biktima errepublikarren senideek bisitatu ahal izan... [+]


Migratzaileei sarrera gogortzeko ituna onartu du Europako Parlamentuak

Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]


2024-03-28 | David Bou
‘La xarxa ultra’

ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.

Otsailaren 20an La xarxa ultra... [+]


Erorikoen monumentua eraistea eskatu dute Iruñean

Memoria historikoaren aldeko hemeretzi eragilek bat egin dute, Askatasunaren Plazako eraikina eraisteko eskatzeko. “Ezinezkoa da frankismoaren monumentu honi nortasun berri bat ematea”, azaldu dute.


2024-02-09 | Gedar
Isuna jarri diote Barakaldoko lagun bati, faxista bati aurre egitea egotzita

Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.


Eguneraketa berriak daude