Puigdemont eta gobernukideen aurkako euroagindua atzera bota du Llarena epaileak
Puigdemont eta bere gobernukideen euroaginduak atzera bota ditu, baina espetxean daudenei ez die baldintzapeko askatasuna eman.
Schleswig-Holseineko epaileek hartutako erabakia, Puigdemonti matxinada ez egoztea, Auzitegi Goreneko epaile den Pablo Llarenari bi aukera ematen zizkion: lehena, estradizioa onartzea eta beste kontseilariei ere matxinada delitua ez egoztea; bigarrena euroagindua indargabetu eta Puigdemont ez epaitze. Ikusita matxinada delitua hogei urtera preskribatzen duela bigarren aukera hartzea erabaki du.
Puigdemonten kontseilarien (Meritxel Serret, Lluis Puig, Toni Comun, Clara Ponsati, eta Marta Rovira) aurkako euroaginduak ere atzera bota ditu. Hala, Mundu osotik bidaia dezakete Espainiako Estatura izan ezik, atxilotzeko agindua ezarrita jarraitzen duelako.
Llarenaren erabakiak espetxean dauden politikari katalanei eragingo die. Fiskaltzak egoera baliatu du kartzelan daudenak aske ez uzteko, orain arriskua handiagoa dela, Alemania, Eskozia, Suitza edo Belgikara ihes egiteko, argudiatuz.
Suitzan dagoen Anna Gabrielen kasua desberdina da, Llarenak ez baitzuen haren aurkako euroagindurik ezarri.
Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.
Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]
Oriol Junqueras, Raül Romeva, Josep Rull eta Jordi Turull politikarien kargugabetzeak Eskubide Zibil eta Politikoen Nazioarteko Ituna urratu zuela ondorioztatu du NBEk.
Gorenaren hirugarren aretoak iritzia aldatu du eta indultuari jarritako helegiteak aztertzea erabaki du orain. PSCk “espero du” indultatuak espetxera ez bueltatzea, eta Carme Forcadellek adierazi du “edozer gauza” espero duela Gorenetik.