Ponsati ez da agertu Auzitegi Gorenean zeukan hitzordura

  • Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.


2023ko apirilaren 24an - 12:35
Azken eguneraketa: 14:36
Ponsati, martxoaren 28an Bartzelonara itzuli zenean. (Argazkia: EITB)

Carla Ponsati Kataluniako kontseilari ohia eta Europako Parlamentuko diputatua ez da agertu astelehenean Auzitegi Gorenean zeukan hitzordura. Proces auziarekin lotuta, desobedientzia delituagatik auzipetzeko erabakia jakinarazi behar zion Llarena epaileak.

Europako Parlamentuko diputatuak idatzi bidez adierazi du Industria, Ikerketa eta Energia batzordeek eta Europak Parlamentuko Gai Ekonomikoen Batzordeak gaurko itxita zuela saioa Bruselan, horren ondorioz ezin izango dela auzitegira azaldu. Adierazi du gaurko lanaldia "Bruselatik ehunka kilometrora duen edozein konpromisorekin bateraezina" dela.

Martxoaren 28an Bartzelonara itzuli zen Ponsati, bost urte erbestean pasa ostean. Espainiako Auzitegi Gorenak hura atxilotzeko agindua emana zuen. Llarena epaileak deklarazioa astelehenera arte atzeratzea erabaki zuen, eta Ponsati atxilotzeko agindua indargabetu egin zuen. Bruselara itzuli zen kontseilari ohia.


Kanal honetatik interesatuko zaizu: Kataluniako erreferenduma
2022-09-14 | ARGIA
Espainiako Defentsa Ministerioa harrapatu dute Kataluniako erreferendumaren Wikipediako erreferentzia bat moldatzen

Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]


2022-08-31 | ARGIA
Kataluniako buruzagi independentisten eskubideak urratu zituen Espainiako Estatuak, NBEren arabera

Oriol Junqueras, Raül Romeva, Josep Rull eta Jordi Turull politikarien kargugabetzeak Eskubide Zibil eta Politikoen Nazioarteko Ituna urratu zuela ondorioztatu du NBEk.


2022-05-25 | ARGIA
Kataluniako presoen indultuak berrikusiko ditu Espainiako Epaitegi Gorenak

Gorenaren hirugarren aretoak iritzia aldatu du eta indultuari jarritako helegiteak aztertzea erabaki du orain. PSCk “espero du” indultatuak espetxera ez bueltatzea, eta Carme Forcadellek adierazi du “edozer gauza” espero duela Gorenetik.


2021-10-20 | Saioa Baleztena
Carme Forcadell
“Espetxetik lehen bezain errepublikar eta independentista atera naiz, baina feministagoa”

2012tik 2015era ANC Biltzar Nazional Katalaneko presidentea izan zen bitartean, Omnium Cultural elkartearekin batera, azken hamarkadetako Kataluniako gizarte mobilizazio garrantzitsuenen sustatzaile izan zen Carme Forcadell (Xerta, 1956). 2015eko urrian izendatu zuten... [+]


Eguneraketa berriak daude