Preso politiko katalanei indultua ematearen aurka agertu da Espainiako Auzitegi Gorena
Auzitegi Gorenak argudiatu duenez, preso independentistek ez dute damurik erakutsi. Epaiaren gaineko azken erabakia Espainiako Gobernuarena izango da eta Espainiako Estatuko presidenteak adierazi du "adiskidetasuna" eta "mendeku eza" kontuan izango dituztela.
Kataluniako erreferendumaren inguruko sententzia atera zuen epaitegia, Espainiako Auzitegi Gorena, preso politikoak zein kondenatutako gainerakoei indultua ematearen aurka azaldu da. Auzitegiak esan duenez, ezarritako zigorrek ez dute “propoltzionaltasun printzipiorik urratu” eta ez dago indultuak justifikatzeko arrazoirik. Horrez gain, auzipetutakoek "damu zantzurik txikiena ere" erakutsi ez dutela nabarmendu du Gorenak bere posturaren berri ematerakoan.
Horretarako, Jordi Cuixartek epaiketan esandako "berriz ere egingo dugu" esaldiari heldu diote goreneko magistratuek. Horri erantzun dio Cuixartek, "demokraziaren eta autodeterminazio eskubidearen alde, ez diegu sekula uko egingo oinarrizko eskubideei, protesta ez-biolentoari eta desobedientzia zibilari. Distraziorik ez: atzo, gaur eta behar den guztietan egingo dugu berriz".
Per la democràcia i el dret a l'autodeterminació, mai no renunciarem a l'exercici de drets fonamentals, a la mobilització noviolenta i a la desobediència civil. Cap distracció: ahir, avui i sempre que calgui #HoTornaremAFer. Visca Catalunya lliure! https://t.co/JcpfKYIIWK pic.twitter.com/wbZcRkNC8Y
— Jordi Cuixart (@jcuixart) May 26, 2021
Gorenak indultuen inguruko txostena argitaratu aurretik hitz egin du Pedro Sánchez Espainiako Estatuko presidenteak. Indultu eskaerak aztertzerakoan gobernua "zigorrak" baino "adiskidetasunak" gidatuko duela esan du, "espainiar guztien elkarbizitzaren onerako" erabakia hartzeko.
Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.
Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]
Oriol Junqueras, Raül Romeva, Josep Rull eta Jordi Turull politikarien kargugabetzeak Eskubide Zibil eta Politikoen Nazioarteko Ituna urratu zuela ondorioztatu du NBEk.
Gorenaren hirugarren aretoak iritzia aldatu du eta indultuari jarritako helegiteak aztertzea erabaki du orain. PSCk “espero du” indultatuak espetxera ez bueltatzea, eta Carme Forcadellek adierazi du “edozer gauza” espero duela Gorenetik.