Hain justu, hark egindako galderari erantzunez aipatu du indultuarena Juan Carlos Campo Espainiako Justizia ministroak, Gobernuaren kontrol saioan.

Kataluniako prozesuagatik epaitutakoen artean, bi indultu eskaera daude. Dolors Bassa kontseilari-ohiaren indultua, zeinari hamabi urteko espetxe-zigorra ezarri dioten, UGT sindikatuak eskatu zuen. Carme Forcadell Kataluniako Parlamentuko presidente ohiarena, berriz, beste hiru presidente ohik eskatu zuten: Joan Rigol, Ernest Benach y Núria de Gispertek. Forcadelli hamaika urte eta erdiko espetxe zigorra ezarri diote.

Indultu-prozesuak 4 eta 6 hilabete artean iraun dezake, Vilaweb agerkariak nabarmendu duenez. Albert Batet JxCAT-eko diputatuak adierazi du, balizko indultuak indultu, gatazka politikoa konpontzeko ezinbestekoa dela autodeterminazio eskubidea eta amnistia onartzea. ERCko Marta Vilaltak, bestalde, esan du Gobernuak iragarritakoa ez dela "borondate onari erantzuten dion keinu bat", legeak markatzen duen prozesua baizik.