“Puigdemont kartzelara” oihuak Bartzelonan, Espainiako Gobernu osaketa baldintzatzeko eskuinaren ahaleginean
Espainiako Gobernu osaketari begira Kataluniako independentisten amnistia negoziatzen ari dira, eta horren aurka egiteko, Societat Civil Catalana-k deituta, milaka lagun protestara irten dira Bartzelonan igandean. Antolatzaileen esanetan, 300.000 pertsona batu dira; Udaltzaingoaren arabera, berriz, 50.000.
aurre egingo dieten hedabide independenteak
Manifestazioren buruan Alberto Núñez Feijóo, Cuca Gamarra, Isabel Díaz Ayuso eta PPko buruzagiak egon dira. Gertu izan dituzte Santiago Abascal eta Vox-eko lagunak; eta hor inguruan zegoen desagertzeko zorian dagoen C's alderdia ere. Manifestazio horren aldarrikapenetatik sortu zen Ciudadanos alderdia, eta igandeko protestari eutsi egin behar izan dio hala beharrez, existentziari zertxobait gehiago eusteko, eta agonia luzatzeko.
Societat Civil Catalana mugimendu espainolista ez da gai izan Gracia pasealekua betetzeko, Naiz egunkariko berriemaileen arabera. Amnistiaren aurkako mezuak zabaldu dituzte manifestariek oro har –"Ez nire izenean. Ez amnistia, ezta autodeterminazioa ere"–, eta Pedro Sánchez eta PSOE ere iraindu dituzte –"Sánchez, baboa, traidorea, Puigdemont zure laguna da" edota "Txapotek bozka zaitzala"–. Nagusitu den aldarria "Puigdemont kartzelara!" izan da.
Manifestazioan egon diren kazetariek kontatu dutenez, "festa espainolista" moduko zerbait izan da bilkura. Societat Civil Catalanak, esaterako, hainbat postutxo jarri ditu Gracia pasealekuan. "Eskaintza bereziak" egin dituzte: besteak beste, hamar euroren truke, aterki bat, bi eskumuturreko, bandera bat, Europar Batasuneko bi bandera eta ur botila bat eros zitezkeen –iragarkian esan gabe doa: Europar Batasuneko bandera izan ezik, gainontzeko materialek Espainiako banderaren koloreak eta koroa zituzten; ur botilak ere bai agian–.
Katalanaren aurkako mezuak ere zabaldu dituzte: katalana gazteleraren "kopia" dela, edota gaur egun, Katalunian, gazteleraz hitz egiten dutenei "labanarekin mehatxatzen" zaiela. Horrez gain, sarean makina bat argazkitan ikusi ahal izan da Yolanda Díaz Sumar-eko buruaren irudiari zakilak marraztu zizkiotela.
Mobilizazioaren jarraipena egin du TV3 hedabide publikoa, eta arazoak izan ditumanifestariekin. Kazetaria jazarri dute hainbat pertsonak.
Ikusitakoak ikusita, Catalunya en Comú alderdiak erantzukizunak eskatu dizkie instituzioei, eta "zero tolerantzia" exijitu gorrotozko mezuen aurrean.
Hilabete eta erdi falta da
Zazpi aste ditu Pedro Sánchez PSOEko hautagaiak Espainiako Gobernu berria osatzeko. Azaroaren 27an jarria du epe-muga: egun horretarako Diputatuen Kongresuak aukeratu beharra du presidentea. Halakorik ezean, Gorteak desegin eta hauteskundeak deituko lirateke berriz Espainiako Estatuan, urtarrilaren 14an. PSOEren asmoa da, ordea, El País-en esanetan, gobernua osatuta egotea azaroaren 10erako. Izan ere, egun horretan Europako Alderdi Sozialistaren kongresua egingo da Malagan (Andaluzia), eta Sánchez da gaur egun Internazional Sozialisten presidentea.
Azaroaren 27rako presidente berria hautatu behar du Diputatuen Kongresuak. Bestela, hauteskundeak egingo dira urtarrilaren 14an.
Espainiako Gobernuaren osaketarako nahitaezko izango ditu PSOEk Sumar-en botoak, EAJ eta EH Bildurenak, BNGrenak, eta ERCrenak eta Junts-enak. Guztiek esan dute ez dagoela "beste alternatibarik", PP eta Vox-en balizko gobernuari ezezkoa eman diote, baina PSOEri ez dizkiote lanak erraz jarriko. Alternatibarik ez dagoenaren eta botoak oparitzearen arteko oreka horretan dago negoziazioa, eta negoziaketarik konplikatuenak Katalunian daude –EH Bilduk hauteskundeen gauean bertan esan zuen PSOEri babesa emango ziola, BNGk ere horixe bera esana du, eta EAJk oraindik ere dio "ez dagoela itxita", protagonismo apur bat mantentzen du, baina inork gutxik jarri dezake zalantzan zer egingo duen–.
Katalanek "erreferenduma" eta "amnistia" jarri zuten mahai gainean hauteskundeen ostean. Erreferendumaren ideiak indarra galdu du aspaldi, eta amnistiaren inguruan dabiltza egungo negoziazioak. Sumar-ek, presentzia markatu nahian, proposatu du 2013az geroztik "Kataluniaren independentziaren alde" jardun duten ekintzaile zigortu orori aplikatu beharko litzaiokeela amnistia.
PSOE, momentuz hotz
PSOEk esaten duena da "Sumar-en proposamena Sumar-ena" dela eta ez dutela partekatzen. Kezka eragiten die, ordea, "amnistia" hitza erabiltzea alderdi sozialistako kideei. Pentsa, Sánchezek joan den ostiralean ahoskatu zuen lehen aldiz, eta ordutik erabili du gehiagotan. "Negoziatzen ari gara talde ezberdinekin", esan zuen behin-behinean presidente denak. Ez du egintzat jo amnistiarik, ezta amnistia gisa deituko den ezer ere. Baina zeozer egin beharko du PSOEk, nahitaez.
Behin Sánchezek "amnistia" hitza erabilita, Feijóok eta PPk minutu gutxi behar izan zituzten prentsaren aurrean bekainak okertuta hitz egiteko. Haien ustez, Sánchezek amnistiaz hitz egin izanak esan nahi du amnistia gauzatuko dela ezbairik gabe, eta jakina, PPk hitzeman du bide judizial guztiak urratuko dituela amnistia legez kanpokoa dela ziurtatzeko.
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
Brasilgo Auzitegi Gorenak eman du sententziaren berri, Bolsonaro oraindik Luiz Inazio da Silva Lula Brasilgo egungo presidentea pozoitu eta Alexandre de Moraes epailea hil nahi izateagatik epaitzen ari diren bitartean. Sare sozialik erabili ezin zuenean,... [+]
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
3.600 pertsona aurkeztu dira ertzain edo udaltzain izateko lan eskaintza publikoko deialdira, eta 2.800 hautagaiek ez dute proba psikosoziala edota atal teorikoa gainditu. Segurtasun sailburuak defendatu egin du Polizia izateko "exijentzia maila".
Boliviako ezkerreko militante historikoa da Nila Heredia, bi aldiz Evo Moralesen Osasun ministro izandakoa. Abuztuan hauteskunde orokorrak izango dituzte, eta herrialdearen egoera politikoa aztertu du elkarrizketa honetan.
Eskuin muturreko sekta erlijioso bateko kideek, Deierrin bizi direnek, 1986an erbesteratuen aldeko ekintza batean Hernanin hil zen Fernando Ros Abartzuzako gaztearen omenezko ekitaldiko bidea oztopatu zuten igandean.
Ur azpian utzitako herrietatik joan behar izan ziren 600 pertsonen omenez jarri dute oroigarria urtegiaren begiratokian, "ez ditugu inoiz ahaztuko urperatutako bizitzak", adierazi du Arabako ahaldun nagusiak.
Astearte honetako gobernu bileran onartuko dute PSOEk eta Sumarrek, akordioa iragarri baitute. Neurria "berehala" ipiniko dela indarrean jakinarazi dute.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
1962ko udan, CNT Francisco Franco diktadorea hiltzen saiatu zen Donostian, ETAren laguntzarekin. Octavio Alberola anarkistak koordinatu zuen ekintza, baina huts egin zuten.
GKSk eta Etxebizitza Sindikatuak salatu dute Ertzaintzak eta Gasteizko Udaltzaingoak gogor kargatu zutela "giro lasaian" egiten ari ziren ekimenaren aurka. Lau atxilotu, 11 identifikatu eta hamarnaka zauritu utzi zituzten Poliziaren esku hartzeari buruzko bestelako... [+]