ARGIA.eus

2020ko azaroaren 28a

Protesten ondorioz, abortua murriztuko lukeen legearen ezarpena atzeratu du Poloniak

  • Poloniako Gobernuak abortua murriztu nahi du lege berri batekin. Gobernuaren asmoek eragindako protesta oldearen ondotik, legearen ezarpena atzeratu behar izan dute agintariek.

ARGIA @argia
2020ko azaroaren 05a

Bi astez Poloniako kaleak hartu dituzte hainbat emakumek eta herritarrek, legezko abortuari egin nahi zaizkion murrizketen aurrean protestan. Herritarrek erakutsitako haserrearen ondotik, Poloniako Gobernuak asteartean ondokoa erabaki zuen: legezko abortuaren gaineko murrizketak jasotzen dituen Auzitegi Konstituzionalaren epaia barnebiltzen duen legea momentuz publiko ez egitea, legearen ezarpena atzeratzea.

Hasierako asmoen arabera, lege berria astelehenean jarriko litzateke indarrean, eta abortatzea baimenduko luke soilik ondoko kasuetan: haurdun dagoen emakumearen bizia arriskuan dagoenean, edota haurdunaldia bortxaketak edo intzestuak eragindakoa denean. Alabaina, legeak sortutako gaitzespena medio, gobernuak epai horren alternatibak bilatzea erabaki du. Hortik legearen ezarpenaren atzeratzea, nahiz eta gobernuak jarraitzen duen defendatzen inkonstituzionala dela ustezko fetuaren malformazioa haurdunaldia eteteko arrazoi gisa erabiltzea. Herrialdeko abortu gehienen motiboa hori da.

Abortatzeko arrazoi bezala, ustezko fetuaren malformazioa urriaren 22tik da inkonstituzionala Polonian, Legea eta Justizia (PiS) alderdi eskuindar eta ultrakontserbadoreak helegitea jarri ondotik. Airean dagoen lege berri hori onartuz gero, Europa mailan abortuari dagokionez dauden lege murriztaileenetarikoa edukiko luke Poloniak.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Abortu eskubidea  |  Feminismoa  |  Indarkeria matxista  |  Polonia

Abortu eskubidea kanaletik interesatuko zaizu...





Azkenak
EGILEA
Argia buletina
Egunaren laburpena
zure e-postan
Eguneraketa berriak daude